អាមេរិក៖ នគរបាលនិយាយថា សិស្សសាលា ២នាក់បានរងរបួសនៅក្នុងការបាញ់ប្រហារនៅវិទ្យាល័យ Virginia ហើយជនសង្ស័យម្នាក់កំពុងស្ថិតក្នុងការឃុំឃាំង។ ស្នងការនគរបាលក្រុង Newport News លោក Steve Drew បាននិយាយកាលពីថ្ងៃចន្ទថា ក្មេងប្រុសម្នាក់ត្រូវបានគេបាញ់ចំមុខនៅវិទ្យាល័យ Heritage ហើយក្មេងស្រីម្នាក់ទៀតត្រូវបានគេបាញ់ចំជើង។
ក្មេងទាំងពីរនាក់ដែលមានអាយុ ១៧ឆ្នាំត្រូវបានគេបញ្ជូនទៅមន្ទីរពេទ្យ ហើយរបួសមិនត្រូវបានគេគិតថាបង្កជាគ្រោះថ្នាក់ដល់អាយុជីវិតឡើយ។ នគរបាលបាននិយាយថា ក្រោយមកពួកគេបាននាំក្មេងប្រុសម្នាក់ទៅឃុំខ្លួន។ ស្នងការនគរបាលខាងលើបាននិយាយថា ក្រុមអាជ្ញាធរជឿថា ជនសង្ស័យ និងជនរងគ្រោះស្គាល់គ្នា ប៉ុន្តែមិនបានផ្តល់ព័ត៌មានលម្អិតទេ។ លោក Drew បាននិយាយថា អាវុធត្រូវបានរកឃើញនៅកន្លែងកើតហេតុនៃការបាញ់ប្រហារនេះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
