ក្រុមអ្នកកាន់ទុក្ខបានប្រារព្ធពិធីអុជទៀនរម្លឹកវិញ្ញាណក្ខន្ធជនរងគ្រោះក្នុងរដ្ឋចចា(Georgia)សហរដ្ឋអាមេរិក កាលពីថ្ងៃអាទិត្យ ៨ ខែកញ្ញា បន្ទាប់ពីក្មេងប្រុសអាយុ ១៤ ឆ្នាំម្នាក់ បានសម្លាប់សិស្សពីរនាក់និងគ្រូបង្រៀនពីរនាក់ និងធ្វើឱ្យមនុស្ស៩នាក់ផ្សេងទៀតរងរបួសក្នុងការបាញ់ប្រហារនៅវិទ្យាល័យមួយកាលពីថ្ងៃពុធសប្ដាហ៍មុន ដែលបានធ្វើឱ្យសហរដ្ឋអាមេរិកមើលឃើញការបាញ់ប្រហារដ៏ធំជាលើកដំបូងចាប់តាំងពី ការចាប់ផ្តើមនៃឆ្នាំសិក្សាថ្មី។

ក្រុមមន្ត្រីបានកំណត់អត្តសញ្ញាណជនរងគ្រោះស្លាប់ក្នុងឧបទ្ទវហេតុនេះ ទាំងសិស្ស និងគ្រូបង្រៀន នៅវិទ្យាល័យ អាប៉ាឡាឈី (Apalachee High School) ។

ជនល្មើស វ័យ១៤ឆ្នាំ ឈ្មោះ ខូលធ៍ គ្រេ (Colt Gray) ជាសិស្សវិទ្យាល័យ អាប៉ាឡាឈី                       (Apalachee) ត្រូវបានចោទប្រកាន់ក្នុងទម្ងន់ទោសស្មើមនុស្សពេញវ័យ និងបទចោទឃាតកម្មចំនួន៤ករណី។ 

ក្រុមរដ្ឋអាជ្ញា ក៏បានចោទប្រកាន់លោក ឃូលីន (Colin) ជាឪពុករបស់ជនដៃដល់ ដែលត្រូវប្រឈមការជាប់ពន្ធនាគាររហូតដល់១៨០ឆ្នាំ ផងដែរ  ប្រសិនបើត្រូវបានកាត់ទោសពីបទមនុស្សឃាតដោយអចេតនា ករណីចំនួនពីរនៃឃាតកម្មកម្រិតទីពីរ និង ៨ នៃអំពើឃោរឃៅចំពោះកុមារ។ក្រុមរដ្ឋអាជ្ញា បានចោទលោកពីបទបានផ្តល់អាវុធដល់កូនប្រុសរបស់លោក៕