អនុរដ្ឋមន្ត្រីការបរទេសចិនលោក Sun Weidong បាននិយាយនៅក្នុងសន្និសីទស្តីពីកាន់តំណែងប្រធានការប្តូរវេនរបស់ប្រទេសលោក ក្នុងឆ្នាំ ២០២៤-២០២៥ថា ក្នុងអំឡុងពេលកាន់តំណែងជាប្រធានអង្គការសហប្រតិបត្តិការសៀងហៃ (SCO) ប្រទេសចិន នឹងរួមចំណែកក្នុងការកសាងសណ្តាប់ធ្នាប់ពិភពលោកពហុប៉ូល និងការលើកកម្ពស់សកលភាវូបនីយកម្មដែលនឹងរួមបញ្ចូលមនុស្សគ្រប់គ្នា នៅក្នុងសហគមន៍អន្តរជាតិ។ 

លោក Sun បាននិយាយថា៖«ប្រទេសចិន មានបំណងលើកកម្ពស់សណ្តាប់ធ្នាប់ពិភពលោកស្មើភាពគ្នា និង  ពហុប៉ូល ក៏ដូចជាសកលភាវូបនីយកម្មសេដ្ឋកិច្ចដែលផ្តល់ផលប្រយោជន៍ទូទៅនិងមានភាព   បរិយាបន្ន ខណៈពេលដែលបន្ថែមស្ថិរភាព និងភាពដែលអាចជឿទុកចិត្តបានដល់ពិភពលោកបច្ចុប្បន្នពិតប្រាកដ។

ប្រមុខការទូតចិនរូបនេះ បានបន្ថែមថា ខណៈពេលដែលកាន់តំណែងជាប្រធានSCO ប្តូរវេន ប្រទេសចិននឹងពង្រឹងកិច្ចសហប្រតិបត្តិការជាមួយប្រទេសសមាជិកផ្សេងទៀត ក្នុងវិស័យពាណិជ្ជកម្ម សេដ្ឋកិច្ច ហិរញ្ញវត្ថុ ថាមពល ការអភិវឌ្ឍបៃតង និងសេដ្ឋកិច្ចឌីជីថល។ 

លោកបានបន្ថែមថា ប្រទេសចិនក៏គ្រោងនឹងជំរុញយ៉ាងសកម្មនូវការបង្កើតទំនាក់ទំនងរវាងការវិនិយោគខ្សែក្រវ៉ាត់មួយផ្លូវ និងគំនិតផ្តួចផ្តើមពាណិជ្ជកម្ម និងកិច្ចសហប្រតិបត្តិការក្នុងតំបន់ និងគម្រោងអភិវឌ្ឍន៍ជាតិនៅទូទាំងតំបន់SCO។