លោកស្រី Kamala Harris និងលោកDonald Trump បានត្រៀមខ្លួនរួចជាស្រេចសម្រាប់ការជជែកដេញដោលតាមទូរទស្សន៍ជាលើកដំបូងរបស់ខ្លួន មុនការបោះឆ្នោតប្រធានាធិបតីអាមេរិកឆ្នាំ ២០២៤នាខែវិច្ឆិកាខាងមុខ។ 

នៅសល់មិនដល់២ខែសម្រាប់ការបោះឆ្នោត ការប្រឈមដាក់គ្នាអាចជាចំណុចរបត់មួយនៅក្នុងការប្រកួតប្រជែងដ៏ជូរចត់រវាងអនុប្រធានាធិបតីមកពីគណបក្សប្រជាធិបតេយ្យ និងអតីតប្រធានាធិបតីមកពីគណបក្សសាធារណរដ្ឋ។ 

លោកស្រី Harris បានទៅដល់នៅម៉ោង៤និង៤០នាទីល្ងាចថ្ងៃចន្ទភាគខាងកើតនៃទីក្រុង ហ្វីឡាដេលហ្វៀ (Philadelphia) ជាទីដែលកិច្ចពិភាក្សាដេញដោលនឹងកើតឡើង ខណៈលោក Trump ពុំទាន់បានកំណត់ពេលវេលារហូតដល់ប៉ុន្មានម៉ោងមុនពេលការប៉ះទង្គិចនៅល្ងាចថ្ងៃអង្គារនៅលើកញ្ចក់ទូរទស្សន៍ ABC News ។     

ការពិភាក្សាដេញដោលប្រធានាធិបតីរវាងលោកDonald Trump និងលោកស្រី Kamala Harris នឹងចាប់ផ្តើមនៅម៉ោង៦ល្ងាចថ្ងៃអង្គារ ទី១០ខែកញ្ញា ពេលវេលានៅសហរដ្ឋអាមេរិក ហើយគ្រោងនឹងមានរយៈពេល៩០ នាទី។

បេក្ខភាពទាំងពីរពុំធ្លាប់ជួបគ្នាពីមុនមកទេ ហើយការពិភាក្សាដេញដោលនេះ ត្រូវបានកំណត់ឱ្យមានភាពផ្ទុយគ្នាតាមរបៀបរវាងអតីតរដ្ឋអាជ្ញា និងបុគ្គលរួមរឹតដោយការចោទប្រកាន់បទព្រហ្មទណ្ឌ ដែលបានកំណត់គោលដៅលើលោកស្រី Harris ជាមួយការប្រកាន់ពូជសាសន៍ និងភេទ។

លោកrump វ័យ៧៨ឆ្នាំ នឹងស្ថិតនៅក្រោមសម្ពាធទប់ទល់នឹងការប្រើវោហារសាស្ត្រ និងការបំពានរបស់លោក ស្របពេលលោកត្រៀមជួបទល់មុខគ្នាជាមួយបេក្ខជនមានជាតិសាសន៍ចម្រុះដែលកំពុងប្រជែងគ្នាធ្វើជាប្រធានាធិបតីស្ត្រីដំបូងក្នុងប្រវត្តិសាស្ត្រអាមេរិក៕