រដ្ឋាភិបាលកូរ៉េខាងត្បូង គ្រោងនឹងវិនិយោគទឹកប្រាក់ចំនួន ៥សែនកោដិវ៉ុន (៣,៧ពាន់លានដុល្លារ) រហូតដល់ឆ្នាំ ២០៣០ ដើម្បីជួយលើកកម្ពស់បរិយាកាសអប់រំនៃសាលាពេទ្យ បន្ទាប់ពីការកើនឡើងយ៉ាងខ្លាំងនៃកូតាចូលរៀនរបស់ពួកគេ។

ផែនការនេះ ត្រូវបានប្រកាសដោយក្រសួងអប់រំ បន្ទាប់ពីកូតាចូលរៀនរួមបញ្ចូលគ្នាសម្រាប់ឆ្នាំ ២០២៥ ត្រូវបានកើនឡើងចំនួន ១.៥០០នាក់ នៅតាមសាលាទាំងអស់នៅទូទាំងប្រទេស ក្នុងការការកើនឡើង ជាលើកដំបូង ក្នុងរយៈពេល ២៧ឆ្នាំ។

ជាផ្នែកមួយនៃការវិនិយោគ ដែលចាប់ផ្តើមនៅឆ្នាំ ២០២៥ សាស្រ្តាចារ្យពេញម៉ោង ១.000 នាក់ នឹងត្រូវបានបន្ថែម ទៅសាលាវេជ្ជសាស្ត្រគ្រប់គ្រងដោយរដ្ឋ នៅឆ្នាំ ២០២៧ រួមទាំងមុខតំណែងចំនួន ៣៣០ នៅឆ្នាំក្រោយ។

ទឹកប្រាក់ប្រហែល ១៥០ ពាន់លានវ៉ុន នឹងត្រូវបានផ្តល់ដល់ការពង្រីកកន្លែងអប់រំ និងឧបករណ៍នៅសាលាវេជ្ជសាស្ត្រ ដែលគ្រប់គ្រងដោយរដ្ឋ ខណៈដែលថវិកា ១៧២,៨ ពាន់លានវ៉ុន នឹងត្រូវបានផ្តល់ជាប្រាក់កម្ចី ដែលមានការប្រាក់ទាប ដល់សាលាពេទ្យឯកជន ដែលកំពុងស្វែងរកការកែលម្អបរិស្ថានរបស់ពួកគេ។