នៅថ្ងៃអង្គារនេះ កងកម្លាំងសន្តិសុខនៅក្នុងរដ្ឋ Manipur ប្រទេសឥណ្ឌា បានប្រើប្រាស់ឧស្ម័នបង្ហូរទឹកភ្នែក ដើម្បីបំបែកហ្វូងបាតុករ ស្របពេលដែលពួកគេអំពាវនាវសុំឲ្យមានសន្តិភាពនៅក្នុងរដ្ឋហែកហួរដោយសារជម្លោះមួយនេះ ។

 លោក I.K. Muivah គឺជាស្នងការនគរបាលរដ្ឋ Manipur បានស្នើសុំឲ្យក្រុមនិស្សិតធ្វើបាតុកម្មមិនត្រូវបង្កអំពើហិង្សាជាដាច់ខាត ហើយនិងជំរុញឲ្យពួកគេធ្វើបាតុកម្មដោយស្ងៀមស្ងាត់ ។

 លោកបន្តថា ការប៉ះទង្គិចគ្នាបណ្តាលនគរបាលរបស់ពួកយើងរងរបួស ក៏ដូចជាក្រុមនិស្សិត និងជនស៊ីវិលផ្សេងទៀត ។ វាគឺជារឿងខូចប្រយោជន៍ខ្លាំងណាស់ ។

 យោងតាមការអះអាងរបស់ក្រុមមន្រ្តី បានឲ្យដឹងថា អំពើហិង្សា បានផ្ទុះឡើងរវាងកុលសម្ព័ន្ធ Meitei និងកុលសម្ព័ន្ធ Kukis នៅរដ្ឋ Manipur នាំឲ្យមនុស្ស ៦នាក់ស្លាប់ រួមទាំងជនស៊ីវិលម្នាក់ផងដែរ កាលពីថ្ងៃសៅរ៍ ។

 កុលសម្ព័ន្ធ Meitei និងកុលសម្ព័ន្ធ Kuki បានប៉ះទង្គិចគ្នាជាបន្តបន្ទាប់ ចាប់តាំងពីឆ្នាំមុនមកម្ល៉េះ ក្រោយតុលាការបញ្ជារដ្ឋាភិបាលរដ្ឋ Manipur ឲ្យគិតគូរពីការផ្តល់អត្ថប្រយោជន៍សេដ្ឋកិច្ចពិសេស និងច្បាប់ហត្ថពលកម្ម(កូតា) នៅក្នុងការងាររដ្ឋាភិបាល និងការអប់រំរបស់កុលសម្ព័ន្ធ Kuki ដល់កុលសម្ព័ន្ធ Meiteis ។

 ជម្លោះនេះដែរ បានសម្លាប់មនុស្សជាង ២២៥នាក់ និងមនុស្ស ៦ម៉ឺននាក់ផ្សេងទៀត បានជម្លៀសខ្លួន ។

 ឧបទ្ទេវហេតុផ្ទុះអាវុធកាលពីថ្ងៃសៅរ៍ តំណាងឲ្យចំនួនគ្រោះថ្នាក់ច្រើនបំផុតក្នុងរយៈពេល ១ថ្ងៃ នៅក្នុងអំពើហិង្សាក្រោយដែលបានចាប់ផ្តើមកាលពីរយៈពេល ១សប្តាហ៍មុន ។

 ការវាយប្រហារកាលពីដើមសប្តាហ៍មុន ត្រូវបានគេមើលឃើញការប្រើប្រាស់យានដ្រូនទម្លាក់គ្រឿងផ្ទុះ ៕