ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃអង្គារ ១០ កញ្ញា ថា កងទ័ពជំនាន់ទី៥នៃយោធារបបសឹកមីយ៉ាន់ម៉ា ដែលបានកែណ្ឌឲ្យចូលបម្រើទ័ព បានចាប់ផ្តើមការបណ្តុះបណ្តាល ដោយសង្ឃឹមថានឹងអាចជួយស្រោចស្រង់ការខាតបង់ក្នុងសមរភូមិរបស់ខ្លួន។ 

ប្រភពយោធាក៏បានប្រាប់សារព័ត៌មាន AFP ផងដែរថាការហ្វឹកហាត់កងទ័ពជំនាន់ថ្មីនេះ បានធ្វើឡើង បន្ទាប់ពីកងទ័ពប្រមាណ ១៥.០០០ នាក់ផ្សេងទៀត បានបញ្ចប់ការហ្វឹកហ្វឺនរួចហើយ។ 

របបសឹកនេះបានអនុវត្តច្បាប់យោធាមួយក្នុងខែកុម្ភៈ បីឆ្នាំបន្ទាប់ពីរដ្ឋប្រហារដែលបានបង្កឱ្យមានការបះបោរប្រដាប់អាវុធនៅទូទាំងសហភាពមីយ៉ាន់ម៉ា និងខណៈខ្លួនបានចាប់ផ្តើមពីការបរាជ័យជាបន្តបន្ទាប់។

ច្បាប់នេះអនុញ្ញាតឱ្យយោធាកោះហៅបុរសទាំងអស់ដែលមានអាយុចាប់ពី១៨ ដល់៣៥ឆ្នាំ និងស្ត្រី អាយុចាប់ពី១៨ ដល់ ២៧ ឆ្នាំ ចូលបម្រើក្នុងជួរកងកម្លាំងប្រដាប់អាវុធយ៉ាងហោចណាស់ពីរឆ្នាំ។ 

យោងតាមសារព័ត៌មាន Global New Light of Myanmar គាំទ្រដោយរដ្ឋ បានឱ្យដឹងថា ពលរដ្ឋដែលមានសិទ្ធិមកពីកងទ័ពជំនាន់ទី៥ បានទៅដល់ទីតាំងហ្វឹកហាត់កាលពីថ្ងៃចន្ទ ដោយពុំបានបញ្ជាក់ទេ ថាតើមានមនុស្សចំនួនប៉ុន្មានចូលរួម ហើយនៅទីណា ឬ មានសមត្ថភាពអ្វីខ្វះ។

ប្រភពយោធាមួយបានប្រាប់សារព័ត៌មាន AFP ដោយសុំមិនបញ្ចេញឈ្មោះថា ការហ្វឹកហាត់៣ជំនាន់កន្លងទៅ មានមនុស្សប្រមាណ៥.០០០នាក់ បានបញ្ចប់ការហ្វឹកហ្វឺនរយៈពេល៣ខែ៕