​

មន្ត្រីម្នាក់បាននិយាយថា មនុស្សរាប់រយនាក់បានភៀសខ្លួនចេញពីលំនៅឋានរបស់ពួកគេ ក្នុងប្រទេសហ្វីលីពីន នៅថ្ងៃពុធ ទី១១ ខែកញ្ញានេះ បន្ទាប់ពីភ្នំភ្លើងមួយ បានបញ្ចេញឧស្ម័នដែលបង្កគ្រោះថ្នាក់ ខណៈ អ្នកជំនាញបានព្រមានអំពីការផ្ទុះដែលអាចកើតមាន។

រដ្ឋាភិបាល ក្នុងតំបន់នៅទីក្រុង Canlaon បាននិយាយថា អ្នកស្រុកប្រហែល៣០០នាក់នៅភូមិនានា ស្ថិតក្នុងចម្ងាយ៤គីឡូម៉ែត្រពីមាត់ភ្នំភ្លើង Kanlaon នៅភាគកណ្តាលប្រទេស ត្រូវបានជម្លៀសចេញ កាលពីថ្ងៃអង្គារជាការប្រុងប្រយ័ត្នជាមុន។

មន្ត្រីព័ត៌មានទីក្រុង  បាននិយាយនៅថ្ងៃពុធនេះថា អ្នកជម្លៀសខ្លួនបានទៅកាន់ទីជម្រកបណ្តោះអាសន្ន នៅតាមសាលារៀន និងមជ្ឈមណ្ឌលសហគមន៍ នៅឆ្ងាយពីភ្នំភ្លើង ហើយប្រជាជនមកពីភូមិនានា នៅជិតជើងភ្នំភ្លើង បានត្អូញត្អែរអំពីក្លិនដ៏ខ្លាំងនៃស្ពាន់ធ័រ ដែលអ្នកស្រុកភាគច្រើនគឺជាកសិករ។

ថ្នាក់រៀនត្រូវបានផ្អាក ហើយទីតាំងទេសចរណ៍មួយចំនួននៅក្នុងទីក្រុងដែលមានមនុស្សប្រហែល ៦០.០០០នាក់ត្រូវបានបិទនៅថ្ងៃពុធនេះដោយសារតែការព្រមានអំពីភ្នំភ្លើង។ 

វិទ្យាស្ថានភ្នំភ្លើង និងរញ្ជួយដីប្រទេសហ្វីលីពីន បាននិយាយនៅក្នុងសេចក្តីថ្លែងការណ៍ថា នេះគឺជាការបំភាយខ្ពស់បំផុតពីភ្នំភ្លើងដែលត្រូវបានកត់ត្រា ចាប់តាំងពីការតាមដានឧស្ម័ន បានចាប់ផ្តើម។

វិទ្យាស្ថាននិយាយថា «សកម្មភាពបច្ចុប្បន្ន អាចនាំឱ្យមានភាពវឹកវរនៃការផ្ទុះ» ដោយធ្វើឱ្យអ្នកស្រុកនៅភូមិចំនួន៤ ប្រឈមនឹងហានិភ័យ។