នាយកអង្គការឃ្លាំមើលសិទ្ធិមនុស្ស (HRW) លោកស្រី Tirana Hassan បាននិយាយកាលពីថ្ងៃពុធ ទី១១ ខែកញ្ញា ថា អ្នកស្វែងរកសិទ្ធិជ្រកកោន និងជនអន្តោប្រវេសន៍វេណេស៊ុយអេឡាបច្ចុប្បន្នជាច្រើននាក់ បានភៀសខ្លួនចេញពីប្រទេសរបស់ពួកគេ បន្ទាប់ពីត្រូវបានយាយីដោយកងកម្លាំងសន្តិសុខរបស់រដ្ឋាភិបាល ឬមានមិត្តភក្តិជិតស្និទ្ធ និងសាច់ញាតិ ជាប់ពន្ធនាគារដោយសារតែការចូលរួមក្នុងការតវ៉ា។

ក្នុងអំឡុងពេលនៃការធ្វើបទបង្ហាញនៃរបាយការណ៍មួយដែលមានចំណងជើងថា «មិនត្រូវបានគេយកចិត្តទុកដាក់នៅក្នុងព្រៃ ការការពារនិងជំនួយមិនគ្រប់គ្រាន់សម្រាប់ជនអន្តោប្រវេសន៍និងអ្នកស្វែងរកសិទ្ធិជ្រកកោន ឆ្លងកាត់ផ្លូវព្រៃ Darien Gap» ក្នុងទីក្រុង Bogota លោកស្រី Hassan បាននិយាយថា ប្រជាជនវេណេស៊ុយអេឡាភាគច្រើន ចង់ស្នាក់នៅក្នុងលំនៅឋាន ប៉ុន្តែរស់នៅក្នុងប្រទេសដែលពួកគេមានការគោរពសិទ្ធិ។

ទន្ទឹមនឹងនេះ លោកស្រី Juanita Goebertus នាយកអង្គការឃ្លាំមើលសិទ្ធមនុស្ស ប្រចាំតំបន់ទ្វីបអាមេរិក បានកត់សម្គាល់ពីការកើនឡើងជនអន្តោប្រវេសន៍វេណេស៊ុយអេឡា ដែលមានលក្ខណៈសម្បត្តិគ្រប់គ្រាន់ជាអ្នកស្វែងរកសិទ្ធិជ្រកកោននៅក្នុងប្រទេសកូឡុំប៊ី ដោយហេតុនោះមានសិទ្ធិទទួលបានការការពារពីអន្តរជាតិ។

របាយការណ៍របស់អង្គការឃ្លាំមើលសិទ្ធមនុស្ស បានបង្ហាញថា ជនអន្តោប្រវេសន៍ជាងកន្លះលាននាក់បានឆ្លងកាត់ព្រៃ Darien Gap ដ៏គ្រោះថ្នាក់ ជាព្រៃបែងចែកប្រទេសកូឡុំប៊ី និងប្រទេសប៉ាណាម៉ា ក្នុងឆ្នាំ២០២៣ ដោយសង្ឃឹមថានឹងបានទៅដល់សហរដ្ឋអាមេរិក។ ប៉ុន្តែ អ្នកទាំងនេះភាគច្រើន បានក្លាយជាជនរងគ្រោះនៃការរំលោភបំពាន អំពើហិង្សាផ្លូវភេទ និងស្លាប់។

របាយការណ៍នេះ បានបញ្ជាក់ថា ទាំងប្រទេសកូឡុំប៊ី និងប៉ាណាម៉ា បានពុំបានការពារសិទ្ធិមនុស្សរបស់អ្នកស្វែងរកសិទ្ធិជ្រកកោនដែលធ្វើដំណើរឆ្លងកាត់ព្រៃ Darien Gap នោះទេ។