រូបភាពវីដេអូផ្សព្វផ្សាយតាមអ៊ីនធឺណិត បានបង្ហាញថា កងកម្លាំងរុស្ស៊ី ហាក់ដូចជាកំពុងរុញច្រានឲ្យកងទ័ពអ៊ុយក្រែន ដកចេញតំបន់ឃើសរបស់រុស្ស៊ី ដែលគ្រប់គ្រងដោយទីក្រុងគីវ។ ក្រសួងការពារជាតិរុស្ស៊ី មិនបានបញ្ជាក់ថា ការវាយបក បានចាប់ផ្តើមនោះទេ។

បណ្តាញ Telegram គាំទ្ររុស្ស៊ី កាលពីថ្ងៃពុធ បានចេញផ្សាយវីដេអូឃ្លីបជាច្រើន ដែលខ្លួនអះអាងថា បង្ហាញពីសមិទ្ធិផលនៃកងវរសេនាធំលេខ៥១របស់កងទ័ពអាកាសរុស្ស៊ី នៅជិតកន្លែងតាំងទីលំនៅស្នាហ្គូស (Snagost)។

ទីក្រុងគីវ បានដាក់ពង្រាយទាហានប្រដាប់អាវុធធុនធ្ងន់ច្រើនពាន់នាក់សម្រាប់ប្រតិបត្តិការរបស់ខ្លួន លើដីរុស្ស៊ី។ យោងតាមយោធារុស្ស៊ី ចំនួនអ្នកស្លាប់និងជនរងគ្រោះ នៅអ៊ុយក្រែន បានកើនលើស១០.០០០នាក់ ក្នុងអំឡុងពេលការលុកលុយរយៈពេលមួយខែ ។

វីដេអូវែងដ៏បំផុត ត្រូវបានថតចេញពីយានដ្រូន និងបង្ហាញពីអ្វីដែលហាក់ដូចជាសមរភូមិ នៅតំបន់ជនបទដែលមានរថពាសដែកជាច្រើនគ្រឿង។

កន្លែងតាំងទីលំនៅស្នាហ្គូស ត្រូវបានក្រសួងការពារជាតិរុស្ស៊ីលើកឡើងថា ជាទីតាំងដែលការប្រយុទ្ធប្រឆាំងនឹងកងទ័ពអ៊ុយក្រែនដែលឈ្លានពាន បាននិងកំពុងប្រព្រឹត្តទៅជាប្រចាំ ដោយវាស្ថិតនៅចម្ងាយប្រហែល ៧ គីឡូម៉ែត្រូភាគអាគ្នេយ៍នៃទន្លេ Seim ជាទីតាំងដ៏សំខាន់ដែលជួយកំណត់អត្តសញ្ញាណទីតាំងនៅក្នុងវីដេអូនេះ។