​បាល់ទាត់៖ រូប​ក្រមួន​របស់ Lionel Messi និង Cristiano Ronaldo ត្រូវបាន​គេ​ដាក់​បង្ហាញ​នៅក្នុង​សារមន្ទីរ​មួយ​នៅ​ប៉ារីស​។​ តាមពិតទៅ​រូបសំណាក​ក្រមួន​នេះ​ត្រូវបាន​គេ​បង្ហាញឱ្យឃើញ​មុនពេល​ព្រឹត្តិការណ៍ Euro ឆ្នាំ​២០១៦ ដែល​ព័រទុយហ្កាល់​បាន​គ្រង​ជើងឯក​។​

​ជាងចម្លាក់​ដែល​ទទួលបន្ទុក​លើ​រូបសំណាក Lionel Messi គឺ Elisabeth Cibot ដែល​បាន​ធ្វើ​ការ​អស់​រយៈពេល​ជាង ​៦​ខែ​។ Elisabeth Cibot បានធ្វើការ​ជាមួយ Barcelona ដែល​ជា​ក្លឹប​របស់ Messi ដោយ​មើល​រូបថត​សន្លឹក​របស់ Messi និង​វីដេអូ​ឃ្លី​ប​ខ្លះ​ដើម្បី​ពូន​ជា​រូប​ក្រមួន​នេះ​។​ ​កីឡាករ​សញ្ជាតិ​អា​ហ្ស​ង់​ទីន​ដែល​កំ​ពុង​ប្រកប​អាជីព​ជាមួយ​ក្លឹប​យក្ស​បារាំង Paris Saint Germain រូប​នេះ​នៅ​មិនទាន់​រក​គ្រាប់​បាល់​បាន​នៅឡើយ​ទេ​។​

​ចំណែក​រូប​ក្រមួន​របស់ Cristiano Ronaldo ត្រូវ​បាន​ធ្វើឡើង​ដោយ Laurent Mallamaci​។​ ​ម្ចាស់​ពានរង្វាន់ Ballon d’Or ៥​សម័យកាល​មានការ​ចាប់ផ្តើម​រដូវ​កាល​ដ៏​អស្ចារ្យ​ចាប់​តាំង​ពី​គាត់​វិល​ត្រឡប់​មកកាន់​ទឹកដី Old Trafford វិញ​ដោយ​រក​បាន ៤​គ្រាប់​ហើយ​ក្នុង​ការ​បង្ហាញខ្លួន ៣ប្រកួត​។ ​អ្នកទេសចរ​ទៅ​សារមន្ទីរ​ក៏​នឹង​អាច​ឃើញ​រូប​ក្រមួន​កីឡាករ​ផ្សេងទៀត​ដែរ​រួមមាន Zlatan Ibrahimovic, Pele និង​អ្នកចាំទី​បារាំង Fabian Barthez ជាដើម​៕

​​អត្ថបទ​៖​នាង សុភា​វុ​ធ