ព្យុះត្រូពិច Ileana បានបោកបក់ដល់ដីគោក កាលពីថ្ងៃសុក្រ (ទី១៣ ខែកញ្ញា) នៅភាគខាងជើងរដ្ឋ Baja California របស់ប្រទេសម៉ិកស៊ិក ដែលបណ្តាលឲ្យផ្លូវជាច្រើនត្រូវបានជន់លិច និងពេញទៅដោយល្បាប់ភក់។

ព្យុះ Ileana បានជះឥទ្ធិពលដល់តំបន់ជិះបន្ទះក្ដារលើទឹក Cabo San Lucas នៅភាគខាងត្បូងនៃឧបទ្វីប។ សេវាឧតុនិយមជាតិម៉ិកស៊ិក (SMN) បានព្រមានពីភ្លៀងធ្លាក់ខ្លាំងដែលមានកម្រិតចន្លោះពី ១៥០មីលីម៉ែត្រ ទៅ ២៥០មីលីម៉ែត្រ និងខ្យល់បក់ពី ៧០គីឡូម៉ែត្រ ក្នុង១ម៉ោង ដល់ ៩០គីឡូម៉ែត្រ ក្នុង ១ម៉ោង នៅពេលរសៀល និងពេលយប់។

ហើយ SMN បានជូនដំណឹងថា ភ្លៀងធ្លាក់ខ្លាំងត្រូវបានព្យាករ សម្រាប់ថ្ងៃសៅរ៍ (ទី១៤ ខែកញ្ញា) នេះ ដោយសារព្យុះនេះ ត្រូវបានគេរំពឹងថា នឹងថមថយកម្លាំង នៅពេលដែលវាបក់បោកទៅភាគខាងជើងតាមបណ្តោយឧបទ្វីបនេះ៕