ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃអាទិត្យ ១៥ ខែកញ្ញាថា ចំនួនអ្នកស្លាប់នៅក្នុងប្រទេសមីយ៉ាន់ម៉ា បន្ទាប់ពីការវាយប្រហារដោយព្យុះទីហ្វុង Yagi បានកើនឡើងដល់ ៧៤ នាក់។

សារព័ត៌មាន Global New Light of Myanmar បាននិយាយថា គិតត្រឹមល្ងាចថ្ងៃសុក្រ ទឹកជំនន់បានបណ្តាលឱ្យមនុស្សស្លាប់ចំនួន ៧៤ នាក់ និងមនុស្ស ៨៩ នាក់កំពុងបាត់ខ្លួន។ 

យោងតាមតួលេខផ្លូវការ ទឹកជំនន់ និងបំណាក់ដី បានសម្លាប់មនុស្សជិត៣៥០ នាក់នៅក្នុងប្រទេសមីយ៉ាន់ម៉ា វៀតណាម ឡាវ និងថៃ បន្ទាប់ពីព្យុះទីហ្វុង Yagi ដែលបានវាយប្រហារតំបន់អាស៊ី-អាគ្នេយ៍កាលពីចុងសប្តាហ៍មុន។

ប្រភពខាងលើបាននិយាយថា ប្រតិបត្តិការស្វែងរក និងជួយសង្គ្រោះកំពុងបន្ត ដោយបន្ថែមថាទឹកជំនន់បានបំផ្លិចបំផ្លាញលំនៅឋានជាង៦៥.០០០ខ្នង និងទំនប់ទឹកចំនួន៥កន្លែង។ 

ដំបូងឡើយចំនួនអ្នកស្លាប់កំណត់ដោយរបបសឹកមីយ៉ាន់ម៉ា ត្រឹម ៣៣ នាក់ ស្របពេលដែលមនុស្សជាង២៣៥.០០០នាក់ ត្រូវបានជម្លៀសចេញពីទីលំនៅ នេះបើយោងតាមតួលេខដែលបានចេញផ្សាយកាលពីថ្ងៃសុក្រ៕