ក្រសួងការពារជាតិ បានរាយការណ៍ថា កងកម្លាំងអាកាសរុស្ស៊ី បានបាញ់ទម្លាក់យន្តហោះចម្បាំង Su-27 របស់អ៊ុយក្រែនចំនួន ពីរគ្រឿង ក្នុងរយៈពេល ២៤ម៉ោង។

របាយការណ៍នោះ បាននិយាយថា៖«កងកម្លាំងអាកាសរុស្ស៊ី បានបាញ់យន្តហោះចម្បាំង Su-27 ចំនួនពីរគ្រឿងរបស់កងកម្លាំងដែនអាកាសអ៊ុយក្រែន ក្នុងរយៈពេល ២៤ម៉ោង»។

ក្រសួងការពារជាតិរុស្ស៊ី បានបញ្ជាក់ថា យន្តហោះប្រតិបតិ្តការ/តាក់ទិច យានដ្រូន ក៏ដូចជាកាំភ្លើងធំ និងមីស៊ីលរបស់កងកម្លាំងប្រដាប់អាវុធរុស្ស៊ី បានបំផ្លាញរថភ្លើងផ្លូវដែក ដែលផ្ទុកអាវុធបរទេស ព្រមទាំងកន្លែងផលិតគ្រឿងបន្លាស់សម្រាប់មីស៊ីលបាលីស្ទីករយៈចម្ងាយខ្លី នៅក្នុងតំបន់ប្រតិបត្តិការយោធាពិសេស ក្នុង   រយៈពេល ២៤ម៉ោង។

ក្រសួងបានបន្តថា៖«រថភ្លើងដែលដឹកអាវុធបរទេស និងឃ្លាំងអាវុធមីស៊ីល/កាំភ្លើងធំ ត្រូវបានកម្ទេច ដោយបន្ថែមថា កងទ័ព និងគ្រឿងយុទ្ធោបករណ៍របស់កងទ័ពអ៊ុយក្រែន ត្រូវបានវាយប្រហារ នៅក្នុងតំបន់ចំនួន ១៤៨តំបន់។

ក្រសួងការពារជាតិរុស្ស៊ី បានរាយការណ៍ថា កងកម្លាំងការពារដែនអាកាស បានបាញ់ទម្លាក់យន្តហោះចម្បាំង MiG-29 របស់អ៊ុយក្រែន និងយានដ្រូន ចំនួន ៥៥គ្រឿង រួមទាំង ២២គ្រឿង នៅខាងក្រៅតំបន់ប្រតិបត្តិការយោធាពិសេស ក្នុងរយៈពេល ២៤ ម៉ោងកន្លងទៅនេះ។