យោធាអ៊ីស្រាអែល កាលពីថ្ងៃអាទិត្យ (ទី១៥ ខែកញ្ញា) បានប្រកាសថា យោងទៅតាមការស៊ើបអង្កេតផ្ទៃក្នុង បានឲ្យដឹងថា ចំណាប់ថ្នូរ ៣នាក់ ប្រហែលជាត្រូវបានសម្លាប់ នៅក្នុងខែវិច្ឆិកា ឆ្នាំ២០២៣ ដោយសារការវាយប្រហារតាមអាកាសសំដៅទៅលើមេបញ្ជាការជាន់ខ្ពស់របស់ក្រុមហាម៉ាស។

ការរកឃើញរបស់ការស៊ើបអង្កេតនេះ បានបង្ហាញពីកាលៈទេសៈមិនច្បាស់លាស់នៃចំណាប់ថ្នូរ នៅតំបន់ហ្កាហ្សាស្ទ្រីប ដែលមិនខុសពីជនស៊ីវិលប៉ាឡេស្ទីន គឺងាយរងគ្រោះ ដោយសារប្រតិបត្តិការយោធាដែលកំពុងបន្តមានរបស់អ៊ីស្រាអែល នៅក្នុងដែនដីនេះ។

លើសពីនេះទៀត ការរកឃើញនេះក៏បង្ហាញផងដែរថា មន្ត្រីជាន់ខ្ពស់របស់ក្រុមហាម៉ាស ក្នុងនោះរួមទាំងលោក Yahya Sinwar ដែលជាឥស្សរជនដ៏មានឥទ្ធិពលបំផុត នៅក្នុងក្រុមនេះ អាចនឹងដាក់ឲ្យចំណាប់ថ្នូរនៅឡោមព័ទ្ធពួកគេ ដូចដែលមន្ត្រីរបស់សហរដ្ឋអាមេរិក និងអ៊ីស្រាអែលបានលើកឡើង។

នៅក្នុងសេចក្តីថ្លែងការណ៍របស់ខ្លួន កងកម្លាំងការពារជាតិអ៊ីស្រាអែល (IDF) បាននិយាយថា ភាគរយគឺ «ទំនងខ្ពស់» ដែលចំណាប់ថ្នូរ ៣រូប ដែលមានឈ្មោះលោក Nik Beizer លោក Ron Sherman និងលោក Elia Toledano ត្រូវបានសម្លាប់ ដោយសារការវាយប្រហាររបស់យោធាអ៊ីស្រាអែល។ ការវាយប្រហារនោះសំដៅលើមេបញ្ជាការកងទ័ពរបស់ក្រុមហាម៉ាស នៅភាគខាងជើងនៃតំបន់ហ្កាហ្សា គឺលោក Ahmed al-Ghandour៕