ប្រទេសម៉ិកស៊ិក បានប្រារព្ធទិវាឯករាជ្យរបស់ខ្លួនដោយមានក្បួនព្យុហយាត្រាយោធានៅទីក្រុង Mexico City កាលពីថ្ងៃចន្ទ ដោយមានវត្តមានសម្រាប់អាណត្តិចុងក្រោយរបស់លោកប្រធានាធិបតី Andres Manuel Lopez Obrador ។

សមាជិកកងកម្លាំងប្រដាប់អាវុធ គ្រឿងចក្រ និងសព្វាវុធធុនធ្ងន់ ត្រូវបានដាក់តាំងបង្ហាញនៅក្នុងក្បួនព្យុហយាត្រារយៈពេល៣ម៉ោងនៅទីលាន Zocalo ក្រោមការសម្លឹងមើលរបស់ លោក Lopez Obrador និងប្រធានាធិបតីជាប់ឆ្នោតថ្មី លោកស្រី ក្លៅឌៀ សេនបូម( Claudia Sheinbaum) ដែលលោកស្រីនឹងស្បថចូលកាន់តំណែង នៅថ្ងៃទី១ ខែតុលា ខាងមុខនេះ។

មេបញ្ជាការកងទ័ពជើងទឹក លោក Jose Rafael Ojeda បាននិយាយថា ប្រជាជនម៉ិកស៊ិក បានត្រៀមខ្លួនសម្រាប់ប្រមុខរដ្ឋជាស្ត្រីលើកដំបូង។

ប្រព័ន្ធផ្សព្វផ្សាយក្នុងស្រុក បានរាយការណ៍ថា ក្បួនព្យុហយាត្រា បានបញ្ចប់ដោយក្រុមតន្រ្តីយោធា ប្រគំបទចម្រៀង ដែលបទនេះជាភាសាអង់គ្លេស មានចំណងជើងថា «Beautiful and beloved Mexico» ដើម្បីគោរពលា លោក Lopez Obrador។

ទិវាឯករាជ្យរបស់ប្រទេសម៉ិកស៊ិក រំលឹកដល់ការអំពាវនាវស្នើសុំអាវុធដោយបព្វជិត លោក Miguel Hidalgo នៅថ្ងៃទី១៦ ខែកញ្ញា ឆ្នាំ១៨១៣ នៅពេលចាប់ផ្តើមសង្រ្គាមទាមទារឯករាជ្យរបស់ប្រទេស ពីប្រទេសអេស្ប៉ាញ។