អាហ្វហ្គានីស្ថាន៖ មួយខែបន្ទាប់ពីក្រុមតាលីបង់បានដណ្តើមអំណាចនៅប្រទេសអាហ្វហ្គានីស្ថាន វិស័យតន្ត្រីនៅក្នុងប្រទេសនេះចាប់ផ្តើមស្ងប់ស្ងាត់។ ដោយឈរនៅក្បែរឧបករណ៍ភ្លេង dhambouras ដែលជាឧបករណ៍ភ្លេងប្រពៃណីកំពុងដាក់បង្ហាញនៅវិទ្យាស្ថានជាតិតន្ត្រីអាហ្វហ្គានីស្ថាន អ្នកប្រយុទ្ធក្រុមតាលីបង់ម្នាក់បាននិយាយថា យើងមិនចាប់អារម្មណ៍នឹងការស្តាប់របស់ទាំងនេះទេ។
យើងមិនដឹងថា របស់ទាំងនេះជាអ្វីទេសម្រាប់រូបលោកផ្ទាល់ លោកមិនដែលស្ដាប់ទេ ហើយ លោកក៏មិនចាប់អារម្មណ៍ដែរ។ ពេលវេលាចុងក្រោយដែលក្រុមសកម្មប្រយុទ្ធបានគ្រប់គ្រងប្រទេសក្នុងទសវត្សរ៍ទី៩០ បានហាមឃាត់តន្ត្រី ទោះបីជារដ្ឋាភិបាលថ្មីដែលបង្កើតឡើងដោយពួកតាលីបង់មិនបានចាត់វិធានការលើបញ្ហានោះក៏ដោយ។ ប៉ុន្តែជាក់ស្ដែង ក្រុមតន្ត្រីករ ខ្លាចថាការហាមឃាត់នឹងកើតមាន ហើយអ្នកប្រយុទ្ធតាលីបង់ខ្លះបានចាប់ផ្តើមអនុវត្តច្បាប់ដោយខ្លួនឯងដោយរំខាន ឬរករឿងក្រុមតន្ត្រីករ។
សាលរៀបចំពិធីមង្គលការជាច្រើនកន្លែងកំពុងដាក់កម្រិតលើការប្រគំតន្ត្រី បន្ទប់ច្រៀងកម្សាន្តខារ៉ាអូខេត្រូវបានបិទ ឬប្រឈមនឹងការវាយធ្វើបាប អ្នកបើកបរត្រូវបិទវិទ្យុរបស់ពួកគេនៅពេលពួកគេឃើញប៉ុស្តិ៍ត្រួតពិនិត្យរបស់ក្រុមតាលីបង់ ហើយយ៉ាងហោចណាស់តន្ត្រីករម្នាក់បានរាយការណ៍ថា អ្នកប្រយុទ្ធតាលីបង់បានវាយកម្ទេចឧបករណ៍របស់គេចោល៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
