ប្រធានាធិបតីវ៉េណេហ្ស៊ុយអេឡា លោក នីកូឡាស ម៉ាឌូរ៉ូ (Nicolas Maduro) បាននិយាយនៅក្នុងកម្មវិធីរបស់អ្នកនិពន្ធនៃទូរទស្សន៍ Television TV «Con Maduro+» ថា រុស្ស៊ីច្បាស់ជានឹងបញ្ចប់ការកើនឡើងនៃលទ្ធិណាហ្ស៊ី នៅអ៊ុយក្រែន។

លោក ម៉ាឌូរ៉ូ បាននិយាយថា៖«ពុំមានការងឿងឆ្ងល់ទេថា រុស្ស៊ីនឹងបញ្ចប់ការរីកដុះដាលនៃលទ្ធិណាស៊ីនិយម នៅអ៊ុយក្រែន។ មិនយូរមិនឆាប់ សន្តិភាព នឹងកើតឡើង នៅអ៊ុយក្រែននិងរុស្ស៊ី»។

លោកប្រធានាធិបតីវ៉េណេហ្ស៊ុយអេឡា បានអត្ថាធិប្បាយលើសេចក្តីថ្លែងការណ៍របស់អ្នកតំណាងអចិន្ត្រៃយ៍រុស្ស៊ីប្រចាំអង្គការសហប្រជាជាតិ លោក Vasily Nebenzya ដែលថា អង្គការណាតូ នឹងចាប់ផ្តើមសង្រ្គាមដោយផ្ទាល់ជាមួយទីក្រុងមូស្គូ ប្រសិនបើអង្គការនេះ បានអនុញ្ញាតឲ្យទីក្រុងគីវ ប្រើអាវុធរយៈចម្ងាយឆ្ងាយ ដើម្បីវាយប្រហារចូលជ្រៅទៅក្នុងទឹកដីរុស្ស៊ីនោះ។

មេដឹកនាំវ៉េណេហ្ស៊ុយអេឡារូបនេះ បានសួរថា៖«តើនរណាជាអ្នកទទួលខុសត្រូវនៅទីវ៉ាស៊ីនតោន? អ្នកណានិយាយថាអ្វីដែលចំបាច់ ត្រូវធ្វើ? តើអ្នកណាដាក់ទណ្ឌកម្មសង្គ្រាមរបស់អង្គការណាតូប្រឆាំងនឹង   រុស្ស៊ី?» 

លោក ម៉ាឌូរ៉ូ បានសង្កត់ធ្ងន់ថា៖«ជាសំណាងល្អ មានមនុស្សដែលមានការពិចារណា មានការអត់ធ្មត់ និងខ្លាំងដូចជាប្រធានាធិបតី [រុស្ស៊ី] លោកវ្ល៉ាឌីមៀ ពូទីន ដែលកំពុងគ្រប់គ្រងស្ថានការណ៍នេះ»។