ប្រមុខគ្រប់គ្រងទីក្រុងហុងកុង បានព្រមានថា បណ្ដាក្រុមហ៊ុនអាមេរិក នឹងរងគ្រោះ ប្រសិនបើទីក្រុងវ៉ាស៊ីនតោនអនុម័តច្បាប់ ដើម្បីបិទការិយាល័យពាណិជ្ជកម្មរបស់ទីក្រុងនេះ ខណៈទំនាក់ទំនងរបស់ទីក្រុងរបស់ប្រទេសចិនមួយនេះនេះ មានភាពរង្គោះរង្គើជាមួយនឹងប្រទេសសេដ្ឋកិច្ចដ៏ធំជាងគេបំផុតរបស់ពិភពលោក។

នាយកប្រតិបត្តិលោក John Lee នៅថ្ងៃអង្គារ (ទី១៧ ខែកញ្ញា) នេះ បានលើកឡើងជាថ្មីម្តងទៀតនូវការគំរាមកំហែងឆ្លើយតបយ៉ាងស័ក្ដិសមរបស់ប្រទេសចិន ប្រសិនបើសហរដ្ឋអាមេរិកបន្តជំរុញដល់វិធានាការដែលនឹងបិទការិយាល័យសេដ្ឋកិច្ច និងពាណិជ្ជកម្មទាំង៣ របស់មជ្ឈមណ្ឌលហិរញ្ញវត្ថុមួយនេះ នៅអាមេរិក។

សហរដ្ឋអាមេរិកអាចចាត់វិធានការបែបនេះ ប្រសិនបើខ្លួនលែងចាត់ទុកទីក្រុង ដែលជាអតីតអាណានិគមរបស់ប្រទេសអង់គ្លេស មានស្វ័យភាពគ្រប់គ្រាន់ពីប្រទេសចិន។

នៅឯសន្និសីទសារព័ត៌មានប្រចាំសប្តាហ៍ដំបូងរបស់លោក លោក Lee បានប្រាប់ថា៖ «ប្រសិនបើសហរដ្ឋអាមេរិកប្តេជ្ញាដើរតាមផ្លូវនោះ ប្រទេសរបស់យើងបានបង្ហាញរួចហើយថា យើងនឹងឆ្លើយតបវិញយ៉ាងស័ក្ដិសម ហើយនឹងជាការសងសឹក ដែលមានវិធានការយ៉ាងរឹងមាំ និងម៉ឺងម៉ាត់។ អ្នកដែលរងគ្រោះនឹងក្លាយជាវិស័យជំនួញរបស់សហរដ្ឋអាមេរិក»។

ដោយឲ្យឈ្មោះវិធានការរបស់សហរដ្ឋអាមេរិកថា ជា «យុទ្ធសាស្ត្រនយោបាយឥតអៀនខ្មាស និងគំរាមកំហែង» ដែលមានបំណងទប់ស្កាត់ការអភិវឌ្ឍរបស់ទីក្រុងហុងកុង លោក Lee បានលើកឡើងពីអតិរេកពាណិជ្ជកម្មដ៏កាក់កបរបស់សហរដ្ឋអាមេរិកជាមួយទីក្រុងនេះ។ លោកបានបន្ថែមថា ក្រុមហ៊ុនអាមេរិក គឺជាក្រុមដ៏ធំជាងគេបំផុតទី៣ ក្នុងឆ្នាំ២០២៤ ក្នុងការទទួលបានជំនួយពីរដ្ឋាភិបាល ដើម្បីពង្រីក ឬចូលទៅក្នុងមជ្ឈមណ្ឌលនេះ៕