ទូរទស្សន៍រដ្ឋ NHK របស់ជប៉ុនបានរាយការណ៍ថា នាវាផ្ទុកយន្តហោះចិនមួយគ្រឿងបានចូលជាបណ្តោះអាសន្ននៅក្នុងតំបន់ជាប់ដែនទឹកផ្ដាច់មុខ របស់ប្រទេសជប៉ុន ជាលើកដំបូងនៅថ្ងៃពុធ (១៨ កញ្ញា) នេះ ដែលជាការប៉ះទង្គិចចុងក្រោយដែលអាចបង្កើនភាពតានតឹងរវាងប្រទេសជិតខាងទាំងពីរ។

NHK រាយការណ៍ថា នាវាផ្ទុកយន្តហោះនោះបានធ្វើដំណើររវាងកោះ យ៉ូណាហ្គូនិ (Yonaguni) ភាគខាងត្បូង និងកោះ អ៊ិរីអូម៉ូតេ (Iriomote) របស់ជប៉ុន ដោយចូលទៅកាន់តំបន់លាតសន្ធឹងរហូតដល់ ២៤ម៉ាយល៍ណត់ពីឆ្នេរសមុទ្ររបស់ខ្លួន ដែលទីក្រុងតូក្យូ អាចគ្រប់គ្រងមួយចំនួនដូចដែលបានកំណត់ដោយអង្គការសហប្រជាជាតិ។

ក្រសួងការពារជាតិជប៉ុន មិនបានធ្វើអត្ថាធិប្បាយភ្លាមៗទេ។

ជប៉ុន កាលពីខែមុន បានតវ៉ាទៅកាន់ចិន បន្ទាប់ពីនាវាកងទ័ពជើងទឹកចិនមួយគ្រឿងបានចូលដែនទឹករបស់ជប៉ុន ភ្លាមៗបន្ទាប់ពីការរំលោភដែនអាកាស។ កាលពីខែកក្កដា នាវាពិឃាតរបស់កងទ័ពជើងទឹកជប៉ុន បានចូលដែនទឹកដ៏កម្រមួយរបស់ចិន នៅជិតកោះតៃវ៉ាន់ នេះបើយោងតាមប្រព័ន្ធផ្សព្វផ្សាយជប៉ុន។

ការកើនឡើងនៃសកម្មភាពយោធារបស់ចិន នៅជិតប្រទេសជប៉ុន និងជុំវិញកោះតៃវ៉ាន់ក្នុងប៉ុន្មានឆ្នាំថ្មីៗនេះ បានធ្វើឱ្យមានការព្រួយបារម្ភនៅក្នុងទីក្រុងតូក្យូ។ ជប៉ុនបានឆ្លើយតបជាមួយនឹងការបង្កើនការការពារដែលខ្លួននិយាយថាមានបំណងរារាំងទីក្រុងប៉េកាំង ពីការប្រើកម្លាំងយោធាដើម្បីជំរុញការទាមទារទឹកដីរបស់ខ្លួនក្នុងតំបន់៕