អ្នកជំនាញយោធាយេម៉ែន បាននិយាយថា ការវាយប្រហារដោយមីស៊ីលនាពេលថ្មីៗនេះរបស់កងទ័ពយេម៉ែនលើអ៊ីស្រាអែល បានបង្ហាញថា កងកម្លាំងប្រដាប់អាវុធយេម៉ែន អាចវាយប្រហារគោលដៅណាមួយនៅក្នុងទឹកដីដែលប្រទេសនេះបានគ្រប់គ្រង។

កាលពីព្រឹកថ្ងៃអាទិត្យ លោកឧត្តមសេនីយត្រី Yahya Saree អ្នកនាំពាក្យកងកម្លាំងប្រដាប់អាវុធយេម៉ែនបានប្រកាសព័ត៌មានលម្អិតនៃប្រតិបត្តិការមីស៊ីលតែមួយគត់ប្រឆាំងនឹងទីក្រុងតែលអាវីវ ( Tel Aviv) ហើយបានបន្ថែមថា ព្រឹត្តិការណ៍នេះ បានកើតឡើងជាលើកដំបូងក្នុងប្រវត្តិសាស្ត្រនៃរបបអ៊ីស្រាអែល។

កងកម្លាំងប្រដាប់អាវុធយេម៉ែន បានកំណត់គោលដៅលើទីក្រុង Yafa នៅជិតទីក្រុងតែលអាវីវ ជាមួយនឹង មីស៊ីលបាលីស្ទីកល្បឿនលឿនជាងសំឡេងថ្មី។ មីស៊ីលនេះ បានទៅដល់គោលដៅរបស់ខ្លួន ហើយប្រព័ន្ធការពាររបស់សត្រូវ បានបរាជ័យក្នុងការស្ទាក់ចាប់ និងប្រឆាំងវានេះ។

ក្នុងបទសម្ភាសន៍ផ្តាច់មុខជាមួយសារព័ត៌មានអ៊ីរ៉ង់ នៅទីក្រុងសាណា (Sana'a) អំពីសារនៃការវាយប្រហារដោយមីស៊ីលនាពេលថ្មីៗនេះរបស់យេម៉ែនទៅលើប៉ាឡេស្ទីនដែលអ៊ីស្រាអែលគ្រប់គ្រងនោះ លោក Mojib Shamsan” អ្នកជំនាញយោធាយេម៉ែន បាននិយាយថា ការវាយប្រហារដោយមីស៊ីល និងយាន  ដ្រូនលើអ៊ីស្រាអែលបង្ហាញពីអំណាច និងសមត្ថភាពយោធារបស់យេម៉ែន។