ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក អាណាតូលី អាន់តូនូវ (Anatoly Antonov) បាននិយាយថា យោធាអាមេរិក មានកំហុស ដោយគិតថា ជម្លោះនុយក្លេអ៊ែរ នឹងប៉ះពាល់ដល់ប្រទេសរុស្ស៊ី និងអឺរ៉ុបតែប៉ុណ្ណោះ។

អ្នកការទូតរូបនេះ បានថ្លែថា៖«ជារឿយៗ ពួកគេត្រូវបានគេស្តីបន្ទោសចំពោះការប្រើប្រាស់វោហាស័ព្ទ   នុយក្លេអ៊ែរ នៅពេលដែលពួកគេ ពិភាក្សាអំពីភាពឆ្លាតវៃរបស់ថ្នាក់ដឹកនាំសហរដ្ឋអាមេរិក និងអាកប្បកិរិយា «ឈ្លានពាន» របស់យើងនោះ។ ក្នុងបរិបទនេះ ខ្ញុំមិនអាចជួយបាន ក្រៅពីការលើកឡើងពីគំនិតផ្តួចផ្តើមរបស់មន្ទីរបញ្ចកោណ ដែលចេញផ្សាយជាសាធារណៈ ដើម្បីសិក្សាពីផលវិបាកនៃការប្រើប្រាស់អាវុធនុយក្លេអ៊ែរសម្រាប់ការអភិវឌ្ឍកសិកម្មនៅអឺរ៉ុបខាងកើត រួមទាំងរុស្ស៊ីផងដែរ»។ 

លោកបានបន្តថា៖ «ដោយសារប្រជាជនអាមេរិកជឿថា ការងារនេះ ពាក់ព័ន្ធនឹងការយកគំរូតាមស្ថានភាពនៃសង្គ្រាមនុយក្លេអ៊ែរសកលដែលនឹងបង្កឲ្យមានការបំផ្លិចបំផ្លាញដល់ដីសម្រាប់ធ្វើកសិកម្មតែប៉ុណ្ណោះ»។

យោងតាមលោក អាន់តូនូវ ស្ថានភាពស្រដៀងគ្នានេះ ត្រូវបានគេយកគំរូតាមសម័យសង្គ្រាមត្រជាក់ផង  ដែរ។ លោកបានបន្តថា៖«វាគួរឲ្យកត់សម្គាល់ផងដែងថា សូម្បីតែយោធាអាមេរិក ក៏ទទួលស្គាល់លទ្ធភាពនៃជម្លោះនុយក្លេអ៊ែរ»ដែរ។

លោកបានព្រមានថា៖«ទន្ទឹមនឹងនោះ ពួកគេ ធ្វើខុស ដោយគិតថា គ្រោះមហន្តរាយបែបនេះ នឹងប៉ះពាល់ដល់អឺរ៉ុប និងរុស្ស៊ីតែប៉ុណ្ណោះ។ នេះ គឺជាការគិតមិនបានវែងឆ្ងាយដោយគ្រាន់ [ស្រមៃ]ប៉ុណ្ណោះ។ សហរដ្ឋអាមេរិក នឹងមិនអាចធ្វើដំណើរឆ្លងមហាសមុទ្របានទេ ដោយសារគ្រោះមហន្តរាយនុយក្លេអ៊ែរសកល នឹងប៉ះពាល់ដល់មនុស្សគ្រប់គ្នា។ 

បេសកជនរុស្ស៊ី បានបញ្ជាក់ឡើងវិញថា មិនត្រូវមានសង្រ្គាមនុយក្លេអ៊ែរឡើយ ហើយថា មិនអាចមានអ្នកឈ្នះ នៅក្នុងជម្លោះនុយក្លេអ៊ែរណាមួយឡើយ។