អភិបាលក្រុង Jenin កាលពីថ្ងៃព្រហស្បតិ៍ (ទី១៩ ខែកញ្ញា) បានប្រាប់សារព័ត៌មាន Reuters ថា ជនជាតិប៉ាឡេស្ទីន ៦នាក់ ត្រូវបានស្លាប់ ហើយ ១៨នាក់ផ្សេងទៀត បានរងរបួស នៅពេលដែលកងកម្លាំងអ៊ីស្រាអែល បើកការវាយឆ្មក់យោធា នៅក្នុងទីក្រុង Qabatiya របស់តំបន់កាន់កាប់ West Bank។

អភិបាលក្រុង លោក Kamal Abu al-Rub បាននិយាយថា អ្នករបួស ៤នាក់ ស្ថិតក្នុងស្ថានភាពធ្ងន់ធ្ងរ ហើយកងកម្លាំងអ៊ីស្រាអែល បានដកចេញពីទីក្រុង Qabatiya បន្ទាប់ពីបានបំផ្លាញហេដ្ឋារចនាសម្ព័ន្ធ នៅក្នុងតំបន់។ មិនមានការអត្ថាធិប្បាយភ្លាមៗនោះឡើយ ពីយោធាអ៊ីស្រាអែល។

គួរបញ្ជាក់ថា អំពើហិង្សាបានកើនឡើងជាលំដាប់ នៅតំបន់ West Bank ចាប់តាំងពីសង្រ្គាមនៅតំបន់ហ្កាហ្សា បានចាប់ផ្ដើម ដោយមានការវាយប្រហារស្ទើរតែរាល់ថ្ងៃពីកងកម្លាំងអ៊ីស្រាអែល ដែលបាននាំឲ្យមានពាក់ព័ន្ធដល់ការចាប់ខ្លួនមនុស្សរាប់ពាន់នាក់ និងការប្រយុទ្ធគ្នា ដោយកាំភ្លើងជាប្រចាំ រវាងកងកម្លាំងសន្តិសុខ និងយុទ្ធជនប៉ាឡេស្ទីន៕