សារព័ត៌មាន Washington Post (WP) បាននិយាយថា អ៊ីស្រាអែលដែលជាសម្ព័ន្ធមិត្តជាមួយទីក្រុងវ៉ាស៊ីនតោន កំពុងប្រឆាំងកាន់តែខ្លាំងឡើងចំពោះកិច្ចខិតខំប្រឹងប្រែងរបស់រដ្ឋបាលប្រធានាធិបតីអាមេរិក លោក ចូ បៃដិន (Joe Biden) ដើម្បីសម្រេចបាននូវការបន្ធូរបន្ថយភាពតានតឹងនៅក្នុងតំបន់មជ្ឈិមបូព៌ា។

យោងតាមសារព័ត៌មាននេះ ប្រតិបត្តិការនៅក្នុងប្រទេសលីបង់ បានធ្វើឲ្យមានផលប៉ះពាល់មួយផ្សេងទៀតដល់ «កិច្ចខិតខំប្រឹងប្រែង» របស់ទីក្រុងវ៉ាស៊ីនតោន ដើម្បីកាត់បន្ថយភាពតានតឹង នៅក្នុងតំបន់។ ពីមុន ក្រុមអ្នកការទូតអាមេរិក បានពណ៌នាអវត្ដមាននៃសង្គ្រាមពេញលក្ខណៈរវាងអ៊ីស្រាអែល និងចលនាហេសបូឡាហ៍ស៊ីអ៊ីតថា ជា «សមិទ្ធផលដ៏សំខាន់» របស់ពួកគេ ចាប់តាំងពីជម្លោះនៅតំបន់ហ្កា ហ្សាស្ទ្រីប បានចាប់ផ្តើម។ ទោះជាយ៉ាងណាក៏ដោយ ជាមួយនឹងស្ថានភាពកាន់តែតានតឹង ការគ្រប់គ្រងរបស់ទីក្រុងវ៉ាស៊ីនតោនលើតំបន់នេះ ហាក់ដូចជាខ្សោយជាងពេលណាៗទាំងអស់។

ការបោះពុម្ភផ្សាយនេះ ក៏កត់សម្គាល់ផងដែរថា ការផ្ទុះឧបករណ៍ចាប់សញ្ញាអគ្គិសនីទាំងនោះ នៅក្នុងប្រទេសលីបង់ អាចបំផ្លាញកិច្ចខិតខំប្រឹងប្រែង ដើម្បីឈានដល់កិច្ចព្រមព្រៀងឈប់បាញ់ នៅតំបន់ហ្កា ហ្សាស្ទ្រីប និងធានាបាននូវការដោះលែងចំណាប់ថ្នូរ។