កាលពីថ្ងៃសៅរ៍ម្សិលមិញ អតីតប្រធានាធិបតីសហរដ្ឋអាមេរិក និងជាបេក្ខជនប្រធានាធិបតីមកពីគណបក្សសាធារណរដ្ឋលោក Donald Trump បានបដិសេធន៍ការជជែកដេញដោលមួយទៀតជាមួយលោកស្រីអនុប្រធានាធិបតី Kamala Harris មុនការបោះឆ្នោតប្រធានាធិបតីសហរដ្ឋអាមេរិក ពោលគឺរយៈពេលប៉ុន្មានម៉ោងប៉ុណ្ណោះ បន្ទាប់ពីយុទ្ធនាការរបស់បេក្ខជនប្រធានាធិបតីមកពីគណបក្សប្រជាធិបតេយ្យរូបនេះ និយាយថា លោកស្រី បានយល់ព្រមការផ្គូផ្គងជជែកដេញដោលនៅថ្ងៃទី ២៣ ខែតុលា ជាមួយគូប្រជែងមកពីគណបក្សសាធារណរដ្ឋរបស់លោកស្រី នៅលើកញ្ចក់ទូរទស្សន៍ CNN ។

 លោក Trumpនិយាយប្រាប់ក្រុមអ្នកគាំទ្រ អំឡុងពេលជួបជុំគ្នានៅទីក្រុង Wilmington រដ្ឋ North Carolina ថា បញ្ហាជាមួយការជជែកដេញដោលមួយទៀតនេះ គឺថាវាយឺតពេលណាស់ទៅហើយ ។ ការបោះឆ្នោតមុនថ្ងៃបោះឆ្នោត បានចាប់ផ្តើមរួចទៅហើយនៅរដ្ឋមួយចំនួន ។

 លោក Trump បានធ្វើដំណើរមកដល់ក្នុងសភាពអធឹកអធម ហោះពីលើក្រុមអ្នកគាំទ្រកំពុងស្រែកហ៊ោកញ្ច្រៀវ មុនពេលចុះពីលើយន្តហោះរបស់លោកនៅលើរុក្ខវិថីដែលមានការការពារយ៉ាងល្អ ។

 ថ្លែងទៅកាន់ក្រុមអ្នកគាំទ្រមានភាពសប្បាយរីករាយពីក្រោយកញ្ចក់ការពារ លោក Trump បានរិះគន់ព្រឹត្តការណ៍យុទ្ធនាការរបស់លោកស្រី Harris រៀបចំឡើងដោពិធីការី Oprah Winfrey កាលពីថ្ងៃព្រហស្បតិ៍ ជាទីដែលលោកស្រីអនុប្រធានាធិបតី ធ្វើសេចក្តីអត្ថាធិប្បាយហាក់មិនប្រុងប្រយ័ត្នចំពោះកម្មសិទ្ធិអាវុធ ។ លោក Trumpនិយាយថា អ្នកស្រី Oprah ដូចជាខ្មាស់ ។ គាត់ចង់តែលាក់ខ្លួនក្រោមតុទេ ។

 លោក Trump បានរិះគន់ផងដែរ លោកប្រធានាធិបតី Joe Biden ពាក់ព័ន្ធនឹងការចូលរួមរបស់ស្រ្តីទី ១ Jill Biden នៅក្នុងជំនួបគណៈរដ្ឋមន្រ្តីកាលពីពេលថ្មីៗនេះ ជាទីដែលលោកស្រីអង្គុយនៅក្បាលតុក្នុងបន្ទប់គណៈរដ្ឋមន្រ្តី ដើម្បីផ្តល់បច្ចុប្បន្នភាពលើវឌ្ឍនភាពបណ្តើមគំនិតសេតវិមានលើការស្រាវជ្រាវសុខភាពស្រ្តី ។ 

 លោក Trump និយាយថា តើលោកនៅជាប្រធានាធិបតីឬ? ពីព្រោះថាម្សិលមិញ ភរិយារបស់លោកបានគ្រប់គ្រងជំនួបគណៈរដ្ឋមន្រ្តី ៕