ក្រុមបាតុករ នាំគ្នាដុតភ្លើងតាមផ្លូវ នៅទីក្រុងតែល អាវីវ កាលពីយប់ថ្ងៃសៅរ៍ ស្របពេលដែលប្រជាពលរដ្ឋអ៊ីស្រាអែល បង្កើនការអំពាវនាវរបស់ពួកគេ ឲ្យរដ្ឋាភិបាលទទួលបានការដោះលែងចំណាប់ថ្នូរ ដែលត្រូវបានចាប់យកទៅដោយក្រុមហាម៉ាស់នៅតំបន់ហ្កាហ្សា ។

 ស្របពេលដែលភាពតានតឹងនៅតែឡើងកម្តៅខ្លាំង ជុំវិញកង្វះខាតវិធានការ ក្រុមនគរបាល បានឈរជើង និងជិះលើខ្នងសេះ ដើម្បីព្យាយាមរុញច្រានក្រុមបាតុករ ខណៈដែលពួកគេព័ទ្ធជុំវិញក្រុមមន្រ្តីដែលអង្គុយនៅក្នុងរថយន្ត ។

 បន្ទាប់ពីបាតុកម្មស្រដៀងគ្នា ចាប់តាំងពីជម្លោះផ្ទះឡើងនៅក្នុងតំបន់ហ្កាហ្សា កាលពីខែតុលា ឆ្នាំ ២០២៣ ក្រុមអ្នកបាតុករ បានបញ្ចេញកំហឹងរបស់ពួកគេ ចំពោះការមិនដោះលែងចំណាប់ថ្នូរ ហើយនិងជំរុញឲ្យលោកនាយករដ្ឋមន្រ្តី Benjamin Netanyahu ផ្តោតឡើងវិញលើការដោះលែងរបស់ពួកគេ ជាជាងបង្កជម្លោះជាមួយក្រុមជីវពលហេសប៊ូឡា នៅក្នុងប្រទេសលីបង់ ។

 អ៊ីស្រាអែល បានវាយប្រហារដោយរ៉ុក្កែតជាមួយក្រុមហេសប៊ូឡា ក្នុងរយៈពេលប៉ុន្មានថ្ងៃកន្លងមកនេះ ក្រោយមនុស្ស ៣៩នាក់ ត្រូវបានសម្លាប់ និងមនុស្សរាប់ពាន់នាក់ផ្សេងទៀត រងរបួស ពេលឧបករណ៍ទាក់ទងប្រើប្រាស់ដោយសមាជិកក្រុមហេសប៊ូឡា រួមទាំងវិទ្យុទាក់ទង និងឧបករណ៍ Pagerបានផ្ទុះ ៕