កងទ័ពអាកាសអ៊ីស្រាអែល បានបញ្ចប់ការវាយប្រហារទ្រង់ទ្រាយធំថ្មីមួយ ទៅលើហេដ្ឋារចនាសម្ព័ន្ធនៃចលនាហេសបូឡាស៊ីអ៊ីត នៅក្នុងប្រទេសលីបង់។

យោងតាមសេចក្តីថ្លែងការណ៍របស់ខ្លួន គោលដៅសរុបប្រហែល ២៩០កន្លែង ត្រូវបានវាយប្រហារក្នុង រយៈពេល ២៤ម៉ោង រួមទាំងប្រព័ន្ធបាញ់រ៉ូកែត រាប់ពាន់គ្រឿង។

សរុបមក កងទ័ព បានរាយការណ៍ពីការវាយប្រហារតាមអាកាសចំនួនពីរលើក នៅក្នុងប្រទេសលីបង់ កាលពីថ្ងៃអាទិត្យ។ ក្នុងអំឡុងពេលលើកទី១ គោលដៅចំនួន ១៨០កន្លែង ត្រូវបានវាយប្រហារ ហើយក្នុងអំឡុងពេលលើកទី២ គោលដៅចំនួន ១១០កន្លែង ត្រូវបានវាយប្រហារ។ សេចក្តីថ្លែងការណ៍នេះ បានកត់សម្គាល់ថា ការវាយប្រហារ ត្រូវបានធ្វើឡើង «ក្នុងតំបន់ជាច្រើននៃភាគខាងត្បូងប្រទេសលីបង់»។

សេវាសារព័ត៌មាន បាននិយាយថា៖«កងកម្លាំងការពារអ៊ីស្រាអែល (IDF) នឹងបន្តប្រតិបត្តិការ ដើម្បីធ្វើឲ្យ សមត្ថភាពចុះខ្សោយ និងកម្ទេចហេដ្ឋារចនាសម្ព័ន្ធភេរវកម្មទាំងមូលរបស់ក្រុមហេសបូឡា»។