សារព័ត៌មាន The Times បានរាយការណ៍ដោយដកស្រង់ប្រភពរបស់ខ្លួនថា ប្រធានាធិបតីអាមេរិកលោក ចូ បៃដិន ( Joe Biden) ទំនងជាមិនប្រកាសការសម្រេចចិត្តរបស់ខ្លួន ទាក់ទងនឹងការប្រើប្រាស់អាវុធផលិតដោយលោកខាងលិចសម្រាប់ការវាយប្រហារចូលជ្រៅទៅក្នុងទឹកដីរុស្ស៊ី បន្ទាប់ពីជំនួបជាមួយប្រធានាធិបតីអ៊ុយក្រែនលោក វ្ល៉ឌីមី ហ្សេឡិនស្គី (Vladimir Zelensky) នៅថ្ងៃទី ២៦ ខែកញ្ញា។

យោងតាមអ្នកការទូតណាតូម្នាក់ដែលមិនបញ្ចេញឈ្មោះ ការសម្រេចចិត្តនេះ គឺធ្វើឡើងរវាងសហរដ្ឋអាមេរិក និងចក្រភពអង់គ្លេស។ ទោះជាយ៉ាងណាក៏ដោយ បញ្ហាសំខាន់សម្រាប់រដ្ឋលោកខាងលិចក្នុងស្ថានភាពនេះ គឺថា ពួកគេមិនដឹងថាតើបន្ទាត់ក្រហមរបស់រុស្ស៊ី នៅឯណានោះទេ។ អ្នកការទូតរូបនេះ ក៏បានអះអាងដែរថា កម្រិតនៃការគំរាមកំហែងពីរុស្ស៊ី «មិនដែលខ្ពស់ណាស់ណាទេ»។

សារព័ត៌មាននេះ បានកត់សម្គាល់ថា ការសម្រេចចិត្តលើការវាយប្រហារចូលជ្រៅទៅក្នុងទឹកដីរុស្ស៊ី ទំនងជាមិនផ្លាស់ប្តូររលកនៃជម្លោះនេះទេ ពីព្រោះរុស្ស៊ី បានដកយន្តហោះនិងប្រព័ន្ធមីស៊ីលរបស់ខ្លួនចេញពីគោលដៅរបស់អាវុធដែលផលិតដោយលោកខាងលិចដែលប្រើក្នុងជម្លោះអ៊ុយក្រែន។ យោងតាម The Times អ៊ុយក្រែន នឹងទទួលបានអត្ថប្រយោជន៍កាន់តែច្រើនពីការប្រើប្រាស់យានដ្រូនរយៈចម្ងាយឆ្ងាយ និងបង្កើនផលិតកម្មក្នុងស្រុក។

ទន្ទឹមនឹងនេះ អ្នកជំនាញខាងយោធា និងអ្នកការទូតដែលសម្ភាសន៍ដោយសារព័ត៌មាន The Times ទាំងអស់បាន ចែករំលែកមតិថា អ៊ុយក្រែន គ្មានឱកាសក្នុងការជំរុញកម្លាំងរុស្ស៊ី ក្នុងផែនការពាក់កណ្តាលផ្លូវនេះបានទេ។ ក្នុងន័យនេះ ប្រភពមួយ បានចង្អុលបង្ហាញថា ការចរចា នឹងមានការលំបាក និងតឹងតែងខ្លាំងណាស់សម្រាប់ប្រទេសអ៊ុយក្រែន។