មេបញ្ជាការជាន់ខ្ពស់ម្នាក់ បានប្រាប់សារព័ត៌មា TASS ថា ភាពតានតឹង បាននឹងកំពុងកើនឡើងខ្លាំងនៅក្នុងកូកាសខាងជើង (North Caucasus) របស់រុស្ស៊ី ចាប់តាំងពីការចាប់ផ្តើមប្រតិបត្តិការយោធាពិសេសក្នុងប្រទេសអ៊ុយក្រែន ខណៈដែលភ្នាក់ងារបរទេស និងអង្គការមិនរកប្រាក់ចំណេញជាច្រើន (NPOs) បានបង្កើនសកម្មភាពរបស់ពួកគេ។ 

លោកឧត្តមសេនីយ៍ទោ Vladimir Makeyev មេបញ្ជាការនៃកងកម្លាំងចម្រុះសម្រាប់ប្រតិបត្តិការប្រឆាំងភេរវករ នៅក្នុងតំបន់ បាននិយាយថា៖«មុនពេលចាប់ផ្តើមប្រតិបត្តិការយោធាពិសេស ស្ថានភាពនៅលើទឹកដីនៃតំបន់ទទួលខុសត្រូវរបស់កងកម្លាំងចម្រុះ និងតំបន់ដែលមានការយកចិត្តទុកដាក់ពិសេសរបស់ខ្លួន មានស្ថិរភាពពេញលេញ។ ប៉ុន្តែជាមួយនឹងការចាប់ផ្តើមនៃប្រតិបត្តិការយោធាពិសេស ការឈ្លានពានដ៏ជាក់លាក់មួយ បានចាប់ផ្តើម។ ភ្នាក់ងារបរទេស និងអង្គការមិនរកប្រាក់ចំណេញមួយចំនួន ក៏បានចាប់ផ្តើមបង្កើនសកម្មភាពរបស់ពួកគេដែរ។ 

លោក ក៏បានលើកឡើងអំពីការកើតឡើងនៃពលរដ្ឋជ្រុលនិយមដែលជាធម្មតារស់នៅឯបរទេស។ 

លោក Makeyev បានបញ្ជាក់ថា៖ «យើងកំពុងនិយាយមិនត្រឹមតែអំពីជនជាតិដើមនៃទឹកដីនៃតំបន់កាកូស ខាងជើងប៉ុណ្ណោះទេ ប៉ុន្តែក៏និយាយអំពីប្រជាពលរដ្ឋដែលរស់នៅក្នុងតំបន់ផ្សេងទៀតនៃមាតុភូមិរបស់យើងផងដែរ។ ប្រព័ន្ធអ៊ីនធឺណិត មានផលប៉ះពាល់យ៉ាងជាក់លាក់  មនុស្សអាន គិត បន្ទាប់មកសម្រេចចិត្តចូលទៅក្នុងក្រុមប្រដាប់អាវុធខុសច្បាប់ ហើយក៏បានប្តេជ្ញាចំពោះក្រុមថែមទៀតផង»។