អនុប្រធាននាយកដ្ឋាននយោបាយ-យោធាសំខាន់ៗរបស់កងកម្លាំងប្រដាប់អាវុធរុស្ស៊ី មេបញ្ជាការកងកម្លាំងពិសេស Akhmat លោក ឧត្តមសេនីយ៍ឯក Apty Alaudinov បានប្រាប់សារព័ត៌មាន TASS ថា កងកម្លាំងប្រដាប់អាវុធអ៊ុយក្រែន បានធ្វើការផ្លាស់ប្តូរវេនអង្គភាពរបស់ពួកគេ នៅក្នុងតំបន់ឃើស (Kursk)។  

លោក Alaudinov បាននិយាយនៅក្នុងវីដេអូមួយដែលបានបង្ហោះនៅលើបណ្តាញ Telegram របស់ខ្លួនថា៖«ថ្ងៃនេះ មានការផ្លាស់ប្តូរវេននៅលើផ្នែករបស់យើង។ ពួកគេ បាន [កងកម្លាំងប្រដាប់អាវុធអ៊ុយក្រែន] បានដកអង្គភាពដែលបានបរាជ័យរួចទៅហើយ។ ពួកគេ បានទទួលរងការខាតបង់យ៉ាងធ្ងន់ធ្ងរ ហើយពួកគេបាននាំយកនូវអង្គភាពថ្មីមួយចំនួនដែលទើបបានបំពេញបន្ថែម។ មែនហើយ ខ្ញុំគិតថា នៅពេលខាងមុខនេះ យើងនឹងធ្វើឲ្យពួកគេបរាជ័យទាំងស្រុង»។

លោកបញ្ជាក់ថា កងកម្លាំងពិសេស Akhmat បានបំផ្លាញទីតាំងត្រួតពិនិត្យយានដ្រូនចំនួន ២កន្លែង រថយន្តមួយគ្រឿង កាំភ្លើងត្បាល់ និងរថយន្តភីកអាប់មួយគ្រឿង ជាមួយទាហានឆត្រយោងម្នាក់ កាលពីថ្ងៃ   ចន្ទ។

លោកបានបន្ថែមថា៖«ប្រសិនបើយើងនិយាយអំពីប្រទេសជិតខាងរបស់យើងនៅខាងស្តាំ គឺតំបន់ Korenevo ហើយជាទូទៅនៅតាមខ្សែបន្ទាត់ព្រំដែនទាំងមូល កងកម្លាំងនៅទីនោះ ក៏បានរុលចូលទៅមុខបន្តិច  ម្តងៗនៅថ្ងៃនេះ ដោយបានធ្វើការវាយប្រហារបណ្តេញសត្រូវ»។