ចិន៖ នាយកប្រតិបត្តិនៃក្រុមហ៊ុនទូរគមនាគមន៍ឈានមុខគេរបស់ចិន Huawei Technologies បានវិលត្រឡប់មកពីប្រទេសកាណាដាកាលពីល្ងាចថ្ងៃសៅរ៍ បន្ទាប់ពីការដោះស្រាយតាមផ្លូវច្បាប់ដែលគេក៏បានឃើញផងដែរ ពីការដោះលែងជនជាតិកាណាដា ២នាក់ដែលត្រូវបានចាប់ខ្លួនដោយប្រទេសចិន និងអាចនាំឱ្យមានការបិទបញ្ចប់ជម្លោះជិត ៣ឆ្នាំរវាងទីក្រុងអូតាវ៉ា ក្រុងប៉េកាំង និងក្រុងវ៉ាស៊ីនតោន។
លោកស្រី Meng Wanzhou ប្រធានហិរញ្ញវត្ថុរបស់ក្រុមហ៊ុន Huawei និងជាកូនស្រីរបស់ស្ថាបនិកក្រុមហ៊ុននេះបានមកដល់តាមជើងហោះហើរពិសេស ដែលផ្តល់ដោយក្រុមហ៊ុនអាកាសចរណ៍ Air China នៅមជ្ឈមណ្ឌលបច្ចេកវិទ្យាភាគខាងត្បូងទីក្រុងសិនជិន ដែលជាមូលដ្ឋានរបស់ក្រុមហ៊ុន Huawei។ ការវិលត្រឡប់របស់លោកស្រីត្រូវបានផ្សាយផ្ទាល់តាមទូរទស្សន៍រដ្ឋ ដោយគូសបញ្ជាក់ពីកម្រិតដែលទីក្រុងប៉េកាំង បានភ្ជាប់សំណុំរឿងរបស់លោកស្រីជាមួយជាតិនិយមចិន និងការកើនឡើងឥទ្ធិពលរបស់ខ្លួនក្នុងនាមជាមហាអំណាចសេដ្ឋកិច្ច និងនយោបាយពិភពលោក។
ហ្វូងអ្នកគាំទ្រដ៏ច្រើនសន្ធឹកសន្ធាប់បានបង្ហាញវត្តមាននៅច្រកចេញ វី អាយ ភី របស់អាកាសយានដ្ឋានដោយច្រៀងចម្រៀងស្នេហាជាតិ គ្រវីទង់ជាតិចិន និងលើកស្លាកសញ្ញាព្រោងព្រាតអមដោយអក្សរថា ស្វាគមន៍ការឡប់មកប្រទេសចិនវិញក្នុងវ័យ ៤៩ឆ្នាំ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
