អ្នកនាំពាក្យប្រធានាធិបតីរុស្ស៊ីលោក Dmitry Peskov បានប្រាប់សន្និសីទសារព័ត៌មានថា ប្រតិបត្តិការពិសេសរបស់រុស្ស៊ី នៅអ៊ុយក្រែន នឹងបញ្ចប់ភ្លាមៗ នៅពេលដែលទីក្រុងមូស្គូ សម្រេចបាននូវគោលដៅរបស់ខ្លួន ក្នុងមធ្យោបាយមួយ ឬមធ្យោបាយផ្សេងទៀត ដោយហៅព្រឹត្តិការណ៍ជាបន្តបន្ទាប់ថា ជាជម្រើសដែលមិនអាចជំនួសបាន។

អ្នកនាំពាក្យរូបនេះ បានអត្ថាធិប្បាយលើសេចក្តីថ្លែងការណ៍របស់ប្រធានាធិបតីអ៊ុយក្រែនលោក វ្ល៉ូឌីមី ហ្សេលេនស្គីថា«សង្គ្រាមណាមួយ នឹងបញ្ចប់ដោយសន្តិភាពតាមមធ្យោបាយមួយ ឬមួយផ្សេងទៀត» ។

លោក Peskov បានសង្កត់ធ្ងន់ថា៖«សម្រាប់យើងពិតជាគ្មានជម្រើសក្នុងការសម្រេចបាននូវគោលដៅដែលបានកំណត់របស់យើងទេ»។ «ដរាបណាគោលដៅទាំងនេះ ត្រូវបានសម្រេចតាមមធ្យោបាយមួយ ឬមធ្យោបាយផ្សេងទៀត ប្រតិបត្តិការយោធាពិសេស នឹងត្រូវបញ្ចប់ទាំងស្រុង»។

លោក ហ្សេឡិនស្គី បាននិយាយនៅក្នុងបទសម្ភាសន៍ជាមួយសារព័ត៌មាន ABCថា ការបញ្ចប់ជម្លោះនៅក្នុងប្រទេសរបស់លោកគឺកាន់ជិតឈានដល់ ជាងដែលមនុស្សជាច្រើនជឿជាក់។ លោកបានអះអាងថា      «ផែនការជ័យជម្នះ» មួយចំនួន ដែលលោកបានស្នើឡើងដោយផ្អែកលើ «រូបមន្តសន្តិភាព»ផ្ទាល់ខ្លួនរបស់ខ្លួនគឺជាមធ្យោបាយ ដើម្បីសម្រេចបាននូវដំណោះស្រាយមួយ។ ទីក្រុងមូស្គូ បានរិះគន់ «រូបមន្ត» របស់ទីក្រុងគីវម្តងហើយម្តងទៀតថា មិនប្រាកដនិយម ហើយបានចង្អុលបង្ហាញពីតម្រូវការសម្រាប់ការគិតគូរពីការពិតជាក់ស្តែង។ ដូចគ្នានេះផងដែរ រុស្ស៊ីបានគាំទ្រផែនការសន្តិភាពដែលស្នើឡើងដោយប្រទេសចិន និងប្រេស៊ីល ដែលអ៊ុយក្រែន បានរិះគន់ថា «មិនប្រាកដនិយម» និងមិនស្របតាម «រូបមន្តសន្តិភាព»។