ប្រធានាធិបតីឈីលីលោក Gabriel Boric បានរិះគន់យ៉ាងខ្លាំងដល់នាយករដ្ឋមន្រ្តីអ៊ីស្រាអែលលោក Benjamin Netanyahu អំឡុងសុន្ទរកថារបស់លោកនៅមហាសន្និបាតអង្គការសហប្រជាជាតិ(UN)កាលពីថ្ងៃអង្គារ ដោយលោកបានចោទប្រកាន់អ៊ីស្រាអែលថាបានប្រព្រឹត្តទង្វើប្រល័យពូជសាសន៍ក្នុងជម្លោះកំពុងកើតឡើងរវាងអ៊ីស្រាអែល និងក្រុមហាម៉ាស់នៅតំបន់ហ្កាហ្សា ។

លោក Boric និយាយថា លោកបដិសេធន៍មិនជ្រើសរើសរវាងអំពើភេរវកម្មរបស់ក្រុមហាម៉ាស់ ឬការសម្លាប់រង្គាល និងទង្វើប្រល័យពូជសាសន៍របស់អ៊ីស្រាអែល ។ ពួកយើងមិនជ្រើសរើសជាដាច់ខាតរវាងភាពព្រៃផ្សៃ តែលោកជ្រើសរើសយកតែមនុស្សជាតិមួយប៉ុណ្ណោះ ។

លោក Boric បាននិយាយរិះគន់ផងដែរដល់ប្រធានាធិបតីវេណេស៊ុយអេឡាលោក Nicolas Maduro ថាបានលួចការបោះឆ្នោតនាពេលកន្លងទៅ ។

លោកថា មាគ៌ានយោបាយចេញពីវិបត្តិនេះ ត្រូវការដើម្បីទទួលស្គាល់ជ័យជំនះរបស់ក្រុមប្រឆាំងនៅការបោះឆ្នោតចុងក្រោយ ហើយត្រូវនាំយកការផ្លាស់ប្តូរដោយសន្តិវិធីទៅកាន់លទ្ធិប្រជាធិបតេយ្យដំណើរការ ។

លោក Boric បានបញ្ជាក់ផងដែរពីការអំពាវនាវរបស់លោកកាលពីរយៈពេល ១ថ្ងៃមុន ក្នុងការជំរុញឲ្យមានកំណែទម្រង់របស់ UN និងក្រុមប្រឹក្សាសន្តិសុខ UN ដើម្បីដាក់បញ្ចូលប្រទេសប្រេស៊ីល ឥណ្ឌា និងប្រទេសតំណាង មកពីអាហ្វ្រិក ៕