ក្រុមលើកលែងទោសអន្តរជាតិបាននិយាយនៅថ្ងៃពុធនេះថា នគរបាលកេនយ៉ាគ្មានស្លៀកពាក់ឯកសណ្ឋាន និងគ្មានអត្តសញ្ញាណ បានបាញ់ប្រហារបាតុករនៅបរិវេនសភាស្ថិតក្នុងទីក្រុង Nairobi កាលពីថ្ងៃទី ២៥ ខែមិថុនា ។

 មនុស្សជាង ៥០នាក់ ត្រូវបានសម្លាប់ ក្នុងបាតុកម្មរយៈពេលជាច្រើនខែ ប្រឆាំងនឹងសំណើរច្បាប់ហិរញ្ញវត្ថុ បច្ចុប្បន្នត្រូវបោះបង់ចោល ដែលនឹងបង្កើនពន្ធ ។

 បាតុកម្មនេះ បានចាប់ផ្តើមដោយស្ងៀមស្ងាត់ទេ ប៉ុន្តែក្រោយមកប្រែជាអំពើហិង្សា ។ នៅថ្ងៃទី ២៥ ខែមិថុនា អង្គនិតិបញ្ញត្តិដ៏ជម្លោះ គ្រោងនឹងអានសេចក្តីសម្រេចជាលើកទី ៣ ហើយពេលនោះ ក្រុមបាតុករ បានវាយប្រហារសភាកេនយ៉ា ។

 លោក Irungu Houghton គឺជាប្រធានក្រុមលើកលែងទោសអន្តរជាតិប្រចាំនៅប្រទេសកេនយ៉ា និយាយថា នៅថ្ងៃនោះគេឃើញប្រើប្រាស់កម្លាំងមន្រ្តីគ្មានផ្លាកសញ្ញាអត្តសញ្ញាណ ឯកសណ្ឋាន ឬរថយន្ត បាញ់ប្រហារលើក្រុមបាតុករ និងចាប់ខ្លួនមនុស្សជាច្រើននាក់ ។

 នគរបាលជាតិកេនយ៉ា ពុំបានឆ្លើយតបភ្លាមៗនោះទេ ចំពោះសំណើរសុំសេចក្តីអត្ថាធិប្បាយជុំវិញការលើកឡើងបែបនេះ ៕