ប្រជាជនស៊ីរី រាប់រយនាក់ ដែលកំពុងរស់នៅក្នុងប្រទេសលីបង់ បានវិលត្រឡប់ទៅប្រទេសស៊ីរីវិញ ដោយសារតែការវាយប្រហាររបស់អ៊ីស្រាអែលធ្លាក់ទៅលើតំបន់នានាក្នុងប្រទេសលីបង់។

នៅព្រំដែនប្រទេសស៊ីរី-លីបង់ ក្រុមអ្នកស្ម័គ្រចិត្តរបស់អង្គការអឌ្ឍចន្ទក្រហមស៊ីរី បានផ្តល់ការថែទាំសុខភាពដល់អ្នកដែលត្រូវការជំនួយ។

ការបាញ់ផ្លោងលើភូមិនៅភាគខាងត្បូង ដែលដាក់គោលដៅលើអ្វីដែលរដ្ឋាភិបាលអ៊ីស្រាអែល អះអាងថា គឺជាទីតាំងមានទំនាក់ទំនងជាមួយក្រុមហេសបូឡា បង្ខំឱ្យប្រជាជនលីបង់ និងប្រជាជនស៊ីរី រាប់ម៉ឺននាក់ភៀសខ្លួនចេញពីលំនៅឋានរបស់ពួកគេ។

ខណៈការប្រយុទ្ធគ្នាបានថយចុះនៅតំបន់ហ្កាហ្សា ការផ្តោតសំខាន់ផ្នែកយោធារបស់អ៊ីស្រាអែល បានផ្លាស់ប្តូរទៅភាគខាងជើង។

ទន្ទឹមនឹងនេះ នាយករដ្ឋមន្ត្រី លោក Benjamin Netanyahu ប្រឈមមុខនឹងសម្ពាធនយោបាយកាន់តែខ្លាំងឡើង ដើម្បីអនុញ្ញាតឱ្យប្រជាជនអ៊ីស្រាអែល ដែលជម្លៀសចេញពីភាគខាងជើងប្រទេស អាចត្រឡប់ទៅលំនៅឋានរបស់ពួកគេវិញ។