ក្រសួងការបរទេស បាននិយាយកាលពីថ្ងៃព្រហស្បតិ៍នេះថា ជនជាតិកូរ៉េខាងត្បូងម្នាក់ ដែលត្រូវបានចាប់ពង្រត់នៅប្រទេសប៉េរូ ត្រូវបានជួយសង្គ្រោះដោយសុវត្ថិភាព ក្នុងរយៈពេលមិនដល់ ២៤ម៉ោងផង។ 

ក្រសួងបាននិយាយថា អ្នកជំនួញដែលត្រូវបានចាប់ពង្រត់ដោយសមាជិកនៃក្រុមឧក្រិដ្ឋជន នៅក្នុងរដ្ឋធានីលីម៉ា (Lima) ប្រទេសប៉េរូកាលពីថ្ងៃអង្គារ (ម៉ោងក្នុងតំបន់) ត្រូវបានជួយសង្គ្រោះដោយអាជ្ញាធរ  នគរបាលក្នុងតំបន់ នៅថ្ងៃពុធ។

យោងតាមមន្ត្រីក្រសួងដែលនិយាយក្នុងលក្ខខណ្ឌសុំមិនបញ្ចេញឈ្មោះ បានឲ្យដឹងថា ជនរងគ្រោះដែលមានអាយុខ្ទង់ ៦០ឆ្នាំ ត្រូវបានគេជឿថា បានរងរបួសតិចតួចក្នុងអំឡុងពេលចាប់ជំរិតនោះ ប៉ុន្តែមាន     សភាពធម្មតាទេ។

មន្ត្រីរូបនេះ បានបន្ថែមថា៖«នាពេលបច្ចុប្បន្ននេះ វាមិនទំនងជាថា បុគ្គលនោះ ត្រូវបានកំណត់គោលដៅជាក់លាក់សម្រាប់ជាជនជាតិកូរ៉េនោះទេ។ មានឧបទ្ទវហេតុចាប់ជំរិត នៅក្នុងឆ្នាំ ២០១១ ប៉ុន្តែករណីបែបនេះពាក់ព័ន្ធនឹងជនជាតិកូរ៉េ ត្រូវបានគេចាត់ទុកថា កម្រណាស់»។