នៅថ្ងៃព្រហស្បតិ៍នេះ សហជីពពាណិជ្ជកម្ម បានដឹកនាំបាតុកម្មនៅទូទាំងប្រទេសអេស្ប៉ាញ ក្នុងកិច្ចខិតខំមួយ ដើម្បីបង្ខំឲ្យមានកិច្ចព្រមព្រៀងរវាងរដ្ឋាភិបាល និងវិស័យធុរកិច្ច លើការកាត់បន្ថយម៉ោងធ្វើការ ស្របពេលមានការរុញច្រានពីក្រុមនិយោជកដែលព្រួយបារម្ភពីការចំណាយកើនឡើង ។

គណបក្សសង្គមនិយមរបស់លោកនាយករដ្ឋមន្រ្តី Pedro Sanchez បានព្យាយាមបញ្ចុះបញ្ចូលធុរកិច្ច ឲ្យគាំទ្រផែនការកាត់បន្ថយសប្តាហ៍ធ្វើការចំនួន ២ម៉ោងកន្លះ ពីចំនួន ៤០ម៉ោង ដែលពួកគេនិយាយថា វានឹងបង្កើនផលិតភាព ។

លោក Mario Draghi គឺជាអតីតប្រធានធនាគារកណ្តាលអឺរ៉ុប បាននិយាយនៅក្នុងរបាយការណ៍ក្នុងខែនេះ ផលិតសម្រាប់គណកម្មការអឺរ៉ុបថា សហភាពអឺរ៉ុប ត្រូវតែបិទគំលាតផលិតភាពរវាងរដ្ឋសមាជិករបស់ខ្លួន ដើម្បីតាមទាន់គូប្រជែងសេដ្ឋកិច្ចសហដ្ឋអាមេរិក និងចិន ។

សូមបញ្ជាក់ថា ការងារនៅអេស្ប៉ាញមានចំនួនច្រើនជាងប្រទេសភាគច្រើននៅអឺរ៉ុប ។ យោងតាមការចុះផ្សាយរបស់ក្រុមស្រាវជ្រាវ Eurostat បានឲ្យដឹងថា សប្តាហ៍ការងារជាមធ្យមនៅអេស្ប៉ាញ មានចំនួន ៣៦,៤ម៉ោង ក្នុងឆ្នាំ ២០២៣ ធៀបនឹងសហភាពអឺរ៉ុប មានចំនួនជាមធ្យម ៣៦,១ម៉ោង ៕