មេបញ្ជាការកងទ័ពអាកាសអ៊ីស្រាអែល លោក Tomer Bar បាននិយាយក្នុងអំឡុងទស្សនកិច្ចទៅកាន់មូលដ្ឋានទ័ពអាកាសអ៊ីស្រាអែលមួយថា អ៊ីស្រាអែលមានបំណងរារាំងរាល់ការប៉ុនប៉ងដឹកគ្រឿងយុទ្ធោបករណ៍ពីប្រទេសអ៊ីរ៉ង់ ទៅឲ្យក្រុមហេសបូឡា ។

លោកបាននិយាយថា៖«យើងនឹងរារាំងរាល់ឱកាសសម្រាប់ការដឹកជញ្ជូនសម្ភារៈយោធាពីប្រទេសអ៊ីរ៉ង់ទៅកាន់ប្រទេសលីបង់ សម្រាប់ការបំពេញបន្ថែមនូវការខូចខាតដែលបង្កទៅលើក្រុមហេសបូឡាដោយកងកម្លាំងការអ៊ីស្រាអែល (IDF)។ យោងតាមលោក Bar គោលដៅនេះ ក្លាយជាអាទិភាពទី១ ក្នុងបញ្ជីអា   ទិភាព»សម្រាប់កងទ័ពអាកាសអ៊ីស្រាអែល ពីព្រោះ «សមត្ថភាពរបស់ក្រុមហេសបូឡា ក្នុងការស្តារឡើងវិញពីអ្វីដែលបានកើតឡើង គឺអាស្រ័យលើរបៀបបើកបណ្តាញទំនាក់ទំនងជាមួយអ៊ីរ៉ង់»។

លោក Bar បានបន្ថែមថា កងកម្លាំងអាកាសអ៊ីស្រាអែល «ត្រៀមសហការជាមួយទីបញ្ជាការខាងជើងអ៊ីស្រាអែល ដើម្បីចាប់ផ្តើមប្រតិបត្តិការជើងគោកលើការចូលទៅកាន់ប្រទេសលីបង់ ក្នុងករណីមានបទបញ្ជា។

កាលពីថ្ងៃព្រហស្បតិ៍ យោធាអ៊ីស្រាអែល បានធ្វើការវាយប្រហារតាមអាកាសនៅកន្លែងហេដ្ឋារចនាសម្ព័ន្ធនៅតំបន់ជាច្រើននៃព្រំដែនលីបង់-ស៊ីរី។ យោងតាមការិយាល័យសារព័ត៌មានរបស់ IDF ការវាយប្រហារតាមអាកាសបានកំណត់គោលដៅដែលប្រើប្រាស់ដោយកងកម្លាំងហេសបូឡាសម្រាប់ «បញ្ជូនអាវុធពីប្រទេសស៊ីរី»។