​ធនាគារ​ពិភពលោក៖ ធនាគារ​ពិភពលោក​បាន​និយាយ​កាលពី​ថ្ងៃ​ចន្ទ​ថា ​ការ​ងើបឡើង​វិញ​នៃ​តំបន់​អាស៊ី​បូព៌ា និង​ប៉ាស៊ីហ្វិកត្រូវ​បាន​រង​ផល​ប៉ះពាល់​ដោយសារ​ការ​ឆ្លង​រាលដាល​វីរុស COVID-19 ប​ម្លែ​ង​ខ្លួន​ថ្មី Delta ដែល​រាំង​ស្ទះ​ដល់​កំណើន​សេដ្ឋកិច្ច និង​ធ្វើ​ឲ្យ​មាន​វិសមភាព​កាន់​តែ​ខ្លាំង​ឡើង​នៅ​ក្នុង​តំបន់​។

​សកម្មភាព​សេដ្ឋកិច្ច​បាន​ចាប់ផ្តើម​យឺតយ៉ាវ​នៅ​ត្រីមាស​ទី​២ នៃ​ឆ្នាំ​២០២១ ហើយ​ការ​ព្យាករណ៍​កំណើន​សេដ្ឋកិច្ចត្រូវ​បាន​កាត់បន្ថយ​ ស​ម្រា​ប់​ប្រទេស​ភាគច្រើន​នៅ​ក្នុង​តំបន់​នេះ នេះ​បើ​យោង​តាម​របាយការណ៍​វិវត្តន៍​ថ្មី​នៃ​សេដ្ឋកិច្ច​តំបន់​អាស៊ី​បូព៌ា និង​ប៉ាស៊ីហ្វិក​របស់​ធនាគារពិភពលោក​នៅ​ឆ្នាំ២០២១ នេះ។​ ​ធនាគារ​ពិភពលោក​បាន​និយាយ​ថា ​ខណៈ​ដែល​សេដ្ឋកិច្ច​របស់​ប្រទេស​ចិន​ត្រូវបាន​គេ​ព្យាករណ៍​ថា​នឹង​កើនឡើង ៨,៥% តំបន់​ផ្សេងទៀត​ត្រូវ​បាន​ព្យាករណ៍​ថា​នឹង​កើនឡើង​ក្នុង​អត្រា ២,៥% ជិត ២​% ​តិច​ជាង​ការ​ព្យាករណ៍​កាលពី​ខែមេសា ​ឆ្នាំ២០២១។​

​លោកស្រី Manuela Ferro អនុប្រធាន​ធនាគារពិភពលោក​ប្រចាំ​អាស៊ី​បូព៌ា និង​ប៉ាស៊ីហ្វិកបាន​ឲ្យ​ដឹងថា ការ​ងើប​ឡើងវិញ​នៃ​សកម្មភាព​សេដ្ឋកិច្ចនៅ​តំបន់​អាស៊ី​បូព៌ា និង​ប៉ាស៊ីហ្វិកប្រឈម​នឹង​ការធ្លាក់ចុះ​ជាថ្មីទៀត​។ ​ម្យ៉ាងទៀត​កាលពី​ឆ្នាំ​២០២០ តំបន់​នេះទប់ស្កាត់បាន​នូវ​ការឆ្លង​រាលដាល​ជំងឺ COVID-19 ស្រប​ពេលដែល​តំបន់​ផ្សេងទៀត​នៃ​ពិភពលោក ​ព្យាយាម​ទល់​ទល់នឹង​ការ​ងើបឡើង​នៃ​ជំងឺ COVID-19 នៅ​ឆ្នាំ២០២១ បានធ្វើឱ្យ​មានការ​ស្រុត​ចុះ​ខុសពី​ការរំពឹងទុក​ពី​កំណើនសេដ្ឋកិច្ច​សម្រាប់​ឆ្នាំ២០២១ ​នេះ​៕

អត្ថបទ៖ សុខមាន