​

ដោយមានពាក់កន្សែងពណ៌បៃតង ដែលជានិមិត្តរូបនៃការតស៊ូដើម្បីភាពស្របច្បាប់នៃការរម្លូតកូន នៅអាមេរិកឡាទីន ស្ត្រីរាប់រយនាក់នៅក្នុងប្រទេសឈីលី បានចេញធ្វើបាតុកម្មដើម្បីប្រារព្ធទិវារម្លូតកូនដោយសុវត្ថិភាពអន្តរជាតិ កាលពីថ្ងៃសុក្រ ទី២៧ ខែកញ្ញា។

ក្រុមអ្នកតវ៉ា បានរាំ និងស្រែកពាក្យផ្សេងៗ នៅក្នុងទីក្រុង Santiago ខណៈទាមទារឱ្យរដ្ឋាភិបាលធានាឱ្យពួកគេទទួលបានសិទ្ធិរម្លូតកូនដោយសុវត្ថិភាព។

ក្របខណ្ឌច្បាប់របស់ប្រទេសឈីលី អនុញ្ញាតឱ្យរម្លូតកូនក្រោមករណីលើកលែងចំនួនបីករណីប៉ុណ្ណោះ គឺ នៅពេលដែលការមានគភ៌បង្កគ្រោះថ្នាក់ដល់អាយុជីវិតអ្នកមានផ្ទៃពោះ នៅពេលដែលការមានគភ៌បណ្តាលមកពីការចាប់រំលោភ ឬដោយសារតែផ្ទៃពោះមិនអាចផ្តល់កំណើតបាន។

នៅចន្លោះឆ្នាំ ១៩៣១ និងឆ្នាំ១៩៨៩ ស្ត្រីនៅក្នុងប្រទេសឈីលី មានសិទ្ធិរំលូតកូន ចាប់តាំងពីក្រមសុខភាព អនុញ្ញាតឱ្យសម្រាប់ហេតុផលព្យាបាល ដែលត្រូវបានអនុញ្ញាតឱ្យមានការបកស្រាយយ៉ាងច្បាស់លាស់។ នៅខែសីហាឆ្នាំ ១៩៨៩ របបយោធា បានសម្រេចហាមឃាត់ ដោយគ្មានការជជែកដេញដោលតាមបែបលទ្ធិប្រជាធិបតេយ្យ។

នៅខែមិថុនា ឆ្នាំ២០២៤ ប្រធានាធិបតីឈីលី លោក Gabriel Boric បានប្រកាសថា នៅចុងឆ្នាំនេះ លោក នឹងផ្ញើទៅកាន់សភានូវសេចក្តីស្នើច្បាប់ ដែលនឹងពង្រីកលើការរម្លូតកូនដោយស្របច្បាប់។