ក្រុមមន្ត្រីបាននិយាយកាលពីថ្ងៃសៅរ៍ថា ភ្លៀងធ្លាក់ឥតឈប់ក្នុងប្រទេសនេប៉ាល់បានបង្កជាទឹកជំនន់ និងបំណាក់ដី ដែលបានសម្លាប់មនុស្សយ៉ាងហោចណាស់ ១០ នាក់ និង ៧ នាក់បានបាត់ខ្លួនក្នុងអំឡុងពេល ២៤ម៉ោងចុងក្រោយនេះ ខណៈដែលមានការរំខានដល់ការដឹកជញ្ជូន។

ក្រុមអាជ្ញាធរបាននិយាយថា ទន្លេភាគច្រើនក្នុងប្រទេសតំបន់ភ្នំហិម៉ាឡៃមួយនេះ បានហក់ឡើងហៀរលើផ្លូវថ្នល់ និងស្ពាន បន្ទាប់ពីការពន្យារពេលជិតមួយសប្តាហ៍នៃភ្លៀងមូសុងប្រចាំឆ្នាំរបស់អាស៊ីខាងត្បូង បាននាំមកនូវភ្លៀងធ្លាក់យ៉ាងខ្លាំងពាសពេញតំបន់។

អ្នកនាំពាក្យនគរបាលលោក Dan Bahadur Karki បាននិយាយថា នគរបាលកំពុងបោសសម្អាតកម្ទេចកម្ទី និងបើកផ្លូវឡើងវិញដើម្បីធ្វើចរាចរណ៍បន្ទាប់ពីបំណាក់ដីបានបិទផ្លូវហាយវ៉េនៅក្នុងទីតាំងចំនួន២៨ ។ 

ភ្លៀងធ្លាក់ខ្លាំងទំនងជាបន្តរហូតដល់ព្រឹកថ្ងៃអាទិត្យ ហើយអាកាសធាតុទំនងជានឹងស្រឡះបន្ទាប់ពីអាកាសធាតុអាប់អួរ៕