ទូរទស្សន៍Al Jazeera TV របស់ប្រទេសកាតា បានរាយការណ៍ថា មនុស្សជាង ៣០នាក់ ត្រូវបានសម្លាប់នៅតំបន់ហ្កាហ្សាស្ទ្រីប ក្នុងរយៈពេលប៉ុន្មានម៉ោងថ្មីៗនេះ ដែលជាលទ្ធផលនៃការវាយប្រហាររបស់អ៊ីស្រាអែល។

យោងតាមទូរទស្សន៍នេះ យ៉ាងហោចណាស់មានកុមារពីរនាក់ ក្នុងចំណោមអ្នកស្លាប់ដែលជាជនរងគ្រោះនៃការវាយប្រហារលើផ្ទះមួយខ្នង នៅទីក្រុង Deir al-Balah នៅផ្នែកកណ្តាលនៃដែនដីប៉ាឡេស្ទីន។

យោងតាមក្រសួងសុខាភិបាលហ្កាហ្សា មនុស្សជាង ៤១.៦០០នាក់ ត្រូវបានសម្លាប់ និងជាង ៩៦.២០០ នាក់ បានរងរបួស ដោយសារសកម្មភាពរបស់អ៊ីស្រាអែល នៅទឹកដីនេះ ចាប់តាំងពីខែតុលា ឆ្នាំ ២០២៣។

ស្ថានការណ៍នៅមជ្ឈិមបូព៌ា បានធ្លាក់ចុះយ៉ាងខ្លាំង ចាប់តាំងពីការវាយប្រហាររបស់ក្រុមអ្នកគាំទ្រប្រដាប់អាវុធនៃចលនាប៉ាឡេស្ទីនបដិវត្តន៍ហាម៉ាសពីតំបន់ហ្កាហ្សាស្ទ្រីប ចូលទៅក្នុងទឹកដីអ៊ីស្រាអែល កាលពីថ្ងៃទី៧ ខែតុលាឆ្នាំ ២០២៣ អមដោយការសម្លាប់អ្នករស់នៅតាមព្រំដែន និងចាប់មនុស្សជាង ២៤០នាក់    ធ្វើជាចំណាប់ថ្នូរ។ ជាការឆ្លើយតប អ៊ីស្រាអ៊ែល បានបើកប្រតិបត្តិការមួយនៅក្នុងទឹកដីនេះ ក្នុងគោលបំណងបំផ្លាញរចនាសម្ព័ន្ធយោធា និងនយោបាយរបស់ក្រុមហាម៉ាស និងដោះលែងអ្នកដែលត្រូវចាប់ពង្រត់ទាំងអស់។