លោក John Kirby គឺជាទីប្រឹក្សាសន្តិសុខជាតិសេតវិមាន និយាយថា សហរដ្ឋអាមេរិក ត្រូវតែត្រៀមខ្លួនសម្រាប់ការឆ្លើយតប និងការសងសឹករបស់អ៊ីរ៉ង់លើអ៊ីស្រាអែល ជុំវិញការវាយប្រហារក្រុមហេសបូឡា ។

លោកនិយាយថា ពួកយើងត្រូវតែប្រាកដថា ពួកយើងបានត្រៀមខ្លួនរួចរាល់ ហើយពួកយើងមានកម្លាំងដែលពួកយើងត្រូវការនៅក្នុងតំបន់ ។

អ៊ីស្រាអែល បានវាយប្រហារលើគោលដៅជាច្រើននៅលីបង់ កាលពីថ្ងៃអាទិត្យ ធ្វើឲ្យក្រុមហេសបូឡា វាយប្រហារថ្មីៗ ក្រោយសម្លាប់មេដឹកនាំក្រុមគាំទ្រដោយអ៊ីរ៉ង់មួយនេះ គឺលោក Sayyed Hassan Nasrallah ។

ការវាយប្រហារទាំងនេះ បានធ្វើឲ្យប៉ះទង្គិចខ្លាំងដល់ក្រុមហេសបូឡា រយៈពេលជិត ១ឆ្នាំ ក្រោយផ្ទុះអាវុធដាក់គ្នា ដោយបានសម្លាប់មេដឹកនាំភាគច្រើនរបស់ពួកគេ ។

បច្ចុប្បន្នរដ្ឋមន្រ្តីក្រសួងការពារជាតិអ៊ីស្រាអែល បានពិភាក្សាលើការវាយប្រហារទ្រង់ទ្រាយធំជាងនេះ ។

បន្ទាប់ពីការស្លាប់របស់លោក Nasrallah ដែលត្រូវបានសម្លាប់នៅក្នុងការវាយប្រហារដ៏ខ្លាំងក្លាលើទីក្រុង Beirutកាលពីថ្ងៃសុក្រសប្តាហ៍មុន ក្រុមហេសបូឡា បានផ្លោងគ្រាប់រ៉ុក្កែតយ៉ាងច្រើនលើអ៊ីស្រាអែល ខណៈដែលអ៊ីរ៉ង់និយាយថា ការស្លាប់នេះ ត្រូវតែសងសឹក ៕