ជនអន្តោប្រវេសន៍យ៉ាងហោច ៧៧នាក់ ត្រូវបានសណ្តោងដោយក្រុមឆ្មាំល្បាតឆ្នេរអេស្ប៉ាញតាមទូកឈើ ទៅកាន់កោះ Hierro នាថ្ងៃចន្ទនេះ ស្របពេលដែលក្រុមជួយសង្រ្គោះ នៅបន្តរុករកជនអន្តោប្រវេសន៍បាត់ខ្លួន ៤៨នាក់ ពីការលិចទូកដែលអាចជាឧបទ្ទេវហេតុស្លាប់មនុស្សច្រើនបំផុតក្នុងរយៈពេល ៣០ឆ្នាំកន្លមកនេះ នៅប្រជុំកោះអេស្ប៉ាញ Canary ។

ជនអន្តោប្រវេសន៍ម្នាក់ ត្រូវបានគេមើលឃើញដេកលើស្នែង ខណៈដែលជនអន្តោប្រវេសន៍ផ្សេងទៀត ត្រូវបាននាំទៅកាន់សំពត់តង់កាកបាទក្រហម ដើម្បីទទួលការព្យាបាល និងវាយតម្លៃសុខភាពរបស់ពួកគេ ។

ការមកដល់របស់ជនអន្តោប្រវេសន៍ទាំងនេះ បានកើតមាន ក្រោយការលិចទូកកាលពីចុងសប្តាហ៍កន្លងទៅដែលបានសម្លាប់មនុស្ស ៩នាក់ និងមនុស្សយ៉ាងហោច ៤៨នាក់ បាត់ខ្លួន ។

ក្រុមជួយសង្រ្គោះ អាចជួយមនុស្ស ២៧នាក់ ក្នុងចំណោមជនអន្តោប្រវេសន៍ ៨៤នាក់មកពីអាហ្វ្រិកខាងលិច ដែលបានព្យាយាមធ្វើដំណើរមកដល់តំបន់ឆ្នេរអេស្ប៉ាញ ៕