ប្រធានាធិបតីរុស្ស៊ី លោក វ្ល៉ាឌីមៀ ពូទីន បានរុះរើក្រុមប្រឹក្សាសន្តិសុខរុស្ស៊ី កាលពីថ្ងៃចន្ទ ដោយបានបង្ហាញសមាជិកថ្មីសំខាន់ៗ មួយចំនួន។

យោងតាមក្រឹត្យរបស់ប្រធានាធិបតីបានឲ្យដឹងថា មន្ត្រីថ្មីចំនួនបួនរូប ត្រូវបានតែងតាំងនៅក្នុងក្រុមប្រឹក្សានេះ មានជំនួយការប្រធានាធិបតី ឧបនាយករដ្ឋមន្ត្រីទីមួយ ប្រធានទីភ្នាក់ងារវេជ្ជសាស្ត្រ-ជីវសាស្ត្រសហព័ន្ធ និងប្រធានកម្មវិធីពិសេសរបស់ប្រធានាធិបតី។

ជាមួយគ្នានេះដែរ លោក ពូទីន បានដកលោក វ្ល៉ាឌីមៀ យ៉ាគូសេវ(Vladimir Yakushev) ដែលទើបនឹងផ្លាស់ប្តូរពីតួនាទីជាបេសកជនប្រធានាធិបតី ចេញពីក្រុមប្រឹក្សាសន្តិសុខ។

ក្រុមប្រឹក្សាសន្តិសុខរុស្ស៊ី គឺជាស្ថាប័នប្រឹក្សាធម្មនុញ្ញដែលជួយប្រធានាធិបតី ក្នុងការសម្រេចចិត្តលើសន្តិសុខជាតិ និងបញ្ហាយុទ្ធសាស្ត្រ។