ទាហាន និងអ្នកស្រុក បានត្រៀមខ្លួនរួចរាល់ ស្របពេលដែលព្យុះទីហ្វុងដ៏ខ្លាំងក្លា Krathon បោកបក់ជិតដល់តំបន់ឆ្នេរភាគនិរតីដែលមានមនុស្សរស់នៅច្រើនរបស់កោះតៃវ៉ាន់ ។

នៅក្នុងទីក្រុង Taitung និងទីក្រុង Hualien ផលប៉ះពាល់ ត្រូវបានគេមើលឃើញរួចទៅហើយដោយសារព្យុះ Krathon ជាមួយនឹងបំណាក់ដី និងការធ្លាក់គំនរថ្មលើផ្លូវ ។

កាលពីថ្ងៃអង្គារ កោះតៃវ៉ាន់ បានចល័តទាហានជិត ៤ម៉ឺននាក់ឲ្យឈរជើងសម្រាប់ប្រតិបត្តិការជួយសង្រ្គោះ ។

កោះតៃវ៉ាន់ តែងតែរងផលប៉ះពាល់ដោយសារព្យុះទីហ្វុង ដែលតាមធម្មតានៅតាមតំបន់ភ្នំ និងតំបន់ឆ្នេរភាគខាងកើត ប៉ុន្តែលើកនេះ ព្យុះទីហ្វុងនឹងបោកបក់ដល់ដីគោកនៅតំបន់ឆ្នេរភាគខាងលិច ។

រដ្ឋបាលឧតុនិយមកណ្តាល(CWA) និយាយថា ព្យុះ Krathon ត្រូវបានគេព្យាករណ៍ថា នឹងវាយប្រហារទីក្រុង Kaohsiung នៅរសៀលថ្ងៃពុធនេះ បន្ទាប់បោកបក់ឆ្ពោះទៅឆ្ពោះកាន់តំបន់ភាគកណ្តាលកោះតៃវ៉ាន់ និងឆ្ពោះទៅកាន់តំបន់ភាគឦសាន ហើយនិងសមុទ្រចិនខាងកើត ៕