ឯកអគ្គរដ្ឋទូតរុស្ស៊ីប្រចាំនៅអាមេរិកលោក Anatoly Antonov បានប្រាប់អ្នកសារព័ត៌មានថា រដ្ឋបាលអាមេរិក គ្មានឆន្ទៈចង់ពិភាក្សាអំពីការលុកលុយរបស់រដ្ឋាភិបាលទីក្រុងគីវ ទៅក្នុងតំបន់ខ្សែបន្ទាត់ព្រំដែនឃើស (Kursk) របស់ប្រទេសរុស្ស៊ីទេ។

លោក Antonov បាននិយាយថា៖«មន្រ្តីទីក្រុងវ៉ាស៊ីនតោន មិនចង់ពិភាក្សាជាមួយយើងអំពីទង្វើបង្កហេតុរបស់អ៊ុយក្រែនដែលគ្មានន័យ នៅក្នុងតំបន់ឃើស ជាទីដែលភូមិជាច្រើនត្រូវបានបំផ្លាញ ហើយជនស៊ីវិលធម្មតា ត្រូវបានសម្លាប់។ ក្នុងពេលជាមួយគ្នានេះ ពុំមានពាក្យថ្កោលទោសណាមួយចេញពីទីក្រុងវ៉ាស៊ីនតោននោះទេ។ រដ្ឋបាល [សហរដ្ឋអាមេរិក] ក៏បានស្ទាក់ស្ទើរក្នុងការពិភាក្សាអំពីប្រធានបទនេះ ក្នុងអំឡុងពេលកិច្ចប្រជុំផ្ទាល់ខ្លួន»។ «គ្មានសេចក្តីអាណិតអាសូរ គ្មានពាក្យអាណិតសម្បីតែមួយម៉ាត់ទេ»។

ប្រធានបេសកកម្មការទូតរុស្ស៊ីរូបនេះ បាននិយាយថា លោកអាចនិយាយជាមួយអតីតមន្ត្រីមួយចំនួន ហើយសំណួរអំពីគោលដៅពិតរបស់រដ្ឋាភិបាលអ៊ុយក្រែន កំពុងត្រូវបានសួរកាន់តែច្រើនឡើងៗ ជាពិសេសការផ្គត់ផ្គង់អាវុធដល់របបពុករលួយ [ទីក្រុងគីវ]។ កាន់តែធំឡើងៗ»។

ការវាយប្រហារដ៏ធំមួយដោយយោធាអ៊ុយក្រែនលើតំបន់ឃើស បានចាប់ផ្តើមកាលពីថ្ងៃទី ៦ ខែសីហា។ ស្ថានភាពអាសន្នកម្រិតសហព័ន្ធ បន្តនៅជាធរមាននៅទីនោះ។ ពលរដ្ឋនៅតំបន់ព្រំដែន ត្រូវបានជម្លៀស ទៅកាន់ទីសុវត្ថិភាព។ យោងតាមគណៈកម្មាធិការស៊ើបអង្កេតរុស្ស៊ី ប្រជាជនជាង ៨.០០០នាក់ ត្រូវបានទទួលស្គាល់ថា ជាជនរងគ្រោះក្នុងការស៊ើបអង្កេតឧក្រិដ្ឋកម្ម ដែលកំពុងបន្ត។

យោងតាមក្រសួងការពារជាតិរុស្ស៊ី ទីក្រុងគីវ បានបាត់បង់ទាហានជាង ១៩.៨០០ នាក់ និងរថក្រោះ ១៣៥ គ្រឿង ចាប់តាំងពីការចាប់ផ្តើមនៃអរិភាពទាំងនេះ។ ប្រតិបត្តិការដើម្បីបញ្ចប់ការលុកលុយរបស់អ៊ុយក្រែន កំពុងបន្ត។