ព្រះសង្ឃពុទ្ធសាសនានៅទីក្រុង Siliguri ភាគខាងកើតប្រទេសឥណ្ឌា បានធ្វើបាតុកម្មកាលពីថ្ងៃសុក្រ (ថ្ងៃទី ០៤ ខែតុលា) ជុំវិញអ្វីដែលពួកគេហៅថា «អំពើឃោរឃៅ» ដែលប្រព្រឹត្តប្រឆាំងនឹងពុទ្ធសាសនិក គ្រិស្តសាសនា និងហិណ្ឌូដែលរស់នៅក្នុងប្រទេសបង់ក្លាដែសជិតខាង។

ព្រះសង្ឃ បានកាន់ផ្ទាំងរូបភាពដែលបង្ហាញរូបព្រះព្រះពុទ្ធដែលខូចខាត ខណៈពួកគេ ទាមទារសន្តិសុខដល់សហគមន៍ជនជាតិភាគតិចផ្សេងទៀត នៅក្នុងប្រទេសនេះ។

ព្រះសង្ឃមួយអង្គដែលកំពុងធ្វើការតវ៉ា បានមានសង្ឃដីកាថា៖ «ពួកគេ បានបំផ្លិចបំផ្លាញវត្តព្រះពុទ្ធសាសនាជាច្រើន និងដុតរូបព្រះពុទ្ធ»។

មុននេះ អ្នកកានសាសនាហិណ្ឌូបង់ក្លាដែសរាប់រយនាក់ បានព្យាយាមមិនបានសម្រេច ដើម្បីភៀសខ្លួនទៅកាន់ប្រទេសឥណ្ឌា បន្ទាប់ពីផ្ទះសម្បែង និងអាជីវកម្មរបស់សហគមន៍ជនជាតិភាគតិច ត្រូវបានបំផ្លិចបំផ្លាញ បន្ទាប់ពីការផ្តួលរំលំនៃនាយករដ្ឋមន្ត្រី លោកស្រី Sheikh Hasina កាលពីខែសីហា។

នាយករដ្ឋមន្ត្រីឥណ្ឌា Narendra Modi បាននិយាយថា រដ្ឋាភិបាលរបស់លោក កំពុងរក្សាទំនាក់ទំនងជាមួយរដ្ឋាភិបាលបណ្តោះអាសន្ន ក្នុងប្រទេសបង់ក្លាដែស ដើម្បីធានាសុវត្ថិភាពរបស់ជនជាតិភាគតិច។