ក្រសួងការពារជាតិរុស្ស៊ី បានរាយការណ៍ថា ទាហានស៊ីឈ្នួលប៉ូឡូញដែលកំពុងប្រយុទ្ធនៅខាងអ៊ុយក្រែនបានបាញ់សម្លាប់មនុស្សដែលគ្មានអាវុធ នៅទីប្រជុំជន Sudzha នៅចំពោះមុខជនស៊ីវិល។

សេចក្តីថ្លែងការណ៍ បាននិយាយថា៖«អ្នកស្រុកនៃទីក្រុង Sudzha ប្រាប់អំពីអំពើឃោរឃៅរបស់យោធាអ៊ុយក្រែន នៅក្នុងតំបន់ព្រំដែននៃតំបន់ឃើស(Kursk)។

ជនភៀសខ្លួនឈ្មោះ Dmitry បាននិយាយនៅក្នុងវីដេអូដែលផ្តល់ដោយក្រសួងការពារជាតិថា ទាហានស៊ីឈ្នួលបរទេស បានប្រមូលផ្តុំហ្វូងជនស៊ីវិល ហើយបានបាញ់សម្លាប់មនុស្សដែលគ្មានអាវុធ។ លោក បាននិយាយថា៖«ពួកគេ បានប្រមូលផ្តុំមនុស្សចាស់ មនុស្សវ័យជំទង់ ហើយបាញ់ពួកគេ នៅចំពោះមុខមនុស្សគ្រប់គ្នា។

ពួកគេ គឺជាជនជាតិប៉ូឡូញ។ ពួកគេបានបាញ់ពួកគេទាំងអស់»។ លោកDmitry ក៏បានចង្អុលបង្ហាញថា ក្នុងអំឡុងពេលនៃការបាញ់ប្រហារនោះ មនុស្សពីរនាក់ បានរត់គេចខ្លួនក្នុងភាពចលាចលជាបន្តបន្ទាប់ ហើយបានធ្វើដំណើរឆ្លងកាត់វាលភក់ ឆ្ពោះទៅទីប្រជុំជន Lgov ។

ជនភៀសខ្លួនម្នាក់ទៀតឈ្មោះ Sergey បាននិយាយថា នៅទីប្រជុំជន Sudzha ខ្លួនបានទុកលិខិតឆ្លងដែននៅផ្ទះ ហើយប្រយុទ្ធជនអ៊ុយក្រែនពីរនាក់ បាននាំខ្លួនទៅយកលិខិតឆ្លងដែននោះ។ យោងទៅតាមអ្នកស្រុក ពួកគេប្រើសម្តីខុសធម្មតា ម្នាក់ក្នុងចំណោមពួកគេ និយាយដោយសំនៀងបាល់ទិកយ៉ាងច្បាស់ ហើយអ្នកទាំងពីរ មានអាវុធអាមេរិក នៅក្នុងដៃ។