អឺរ៉ុប៖ កងកម្លាំងសហភាពអឺរ៉ុបបានដាក់ពង្រាយនៅក្នុងប្រទេសបូស្នី និងកងកម្លាំងបម្រុងរបស់ខ្លួនមកពីទូទាំងទ្វីបអឺរ៉ុប កងទ័ពណាតូមកពីប្រទេសកូសូវ៉ូ និងទាហានមកពីកងទ័ពប្រទេសបូស្នីបានបញ្ចប់ការធ្វើសមយុទ្ធរយៈពេលមួយថ្ងៃកាលពីថ្ងៃសុក្រ។
សេណារីយ៉ូសម្រាប់ការធ្វើសមយុទ្ធមានឈ្មោះថា ការឆ្លើយតបរហ័សឆ្នាំ២០២១ បានធ្វើឡើងនៅក្នុងទីក្រុងមួយចំនួននៅជុំវិញប្រទសបូស្នី រួមមានការបង្កើត និងគ្រប់គ្រងប៉ុស្តិ៍ត្រួតពិនិត្យ ការផ្តល់សន្តិសុខដល់ក្បួនរថយន្ត ការជម្លៀស និងគ្រប់គ្រងក្រុមមនុស្សធ្វើកុប្បកម្ម។ បន្ទាប់ពីសង្គ្រាមបូស្នីឆ្នាំ១៩៩២ ដល់ឆ្នាំ១៩៩៥ កងទ័ពជាង ៦ម៉ឺននាក់បានដាក់ពង្រាយនៅទូទាំងប្រទេស ជាផ្នែកមួយនៃបេសកកម្មដឹកនាំដោយណាតូដើម្បីធានាបានសន្តិភាព។ នៅឆ្នាំ២០០៤ អាណត្តិរក្សាសន្តិភាពត្រូវបានប្រគល់ឱ្យសហភាពអឺរ៉ុប ដែលបច្ចុប្បន្នមានទាហានចំនួន ៦០០នាក់នៅលើដែនដីនេះ។
និយាយកាលពីថ្ងៃសុក្រ លោក Charles Fries អគ្គលេខាធិការរងនៃអង្គភាពសេវាកម្មសកម្មភាពខាងក្រៅសហភាពអឺរ៉ុប ទទួលបន្ទុកគោលនយោបាយសន្តិសុខ និងការពាររួម និងការឆ្លើយតបវិបត្តិ បានអះអាងជាថ្មីនូវការប្តេជ្ញាចិត្តរបស់សហភាពអឺរ៉ុប ចំពោះបេសកកម្មនេះ៕
អត្ថបទ៖ ប៊ុន ថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
